Dziaržsakratar ZŠA Džon Kiery zajaviŭ, što dziejańni Rasii ŭ Siryi ŭ padtrymku režymu Bašara Asada treba rasśledavać jak mahčymyja vajennyja złačynstvy.
Kiery abvinavaciŭ Maskvu i ŭrad u Damasku ŭ praviadzieńni metanakiravanaj stratehii pa teraryzavańni hramadzianskaha nasielnictva ŭ Alepa i ŭ źniščeńni luboha, chto akazvajecca pieraškodaj u realizacyi ich vajennych zadač.
Vystupajučy ŭ Vašynhtonie na sumiesnaj pres-kanfierencyi sa svaim francuzskim kaleham Žan-Markam Ero, Kiery raspavioŭ, što, pa najaŭnych źviestkach, u čaćvier, 6 kastryčnika, atkavanaja z pavietra była jašče adna balnica ŭ Alepa, u vyniku čaho byli zabityja 20 čałaviek.
Pavodle jaho słoŭ, nastaŭ čas, kab adkaznyja za padobnyja napady byli pryciahnutyja da adkazu.
«Rasija i režym [Bašara Asada] abaviazany dać śvietu krychu bolš, čym prosta tłumačeńni, čamu jany praciahvajuć nanosić ŭdary pa balnicach i miedycynskich centrach, pa dzieciach i žančynach. Hetyja dziejańni padachvočvajuć pačać ich paŭnavartasnaje rasśledavańnie jak vajennych złačynstvaŭ, i tyja, chto ich ździajśniaje, pavinny być pryciahnutyja da adkazu za svaje dziejańni», — skazaŭ Kiery.
Pavodle słoŭ dziaržsakratara, ciapier zusim vidavočna, što padobnyja ŭdary nie majuć ničoha ahulnaha z vypadkovaściu.
Raniej Rasija zajaviła, što hatovaja padtrymać novy płan AAN, nakiravany na spynieńnie hvałtu ŭ Alepa.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary