Arhanizatary najbujniejšaha va Ŭschodniaj Jeŭropie šoŭkiejs-fiestyvalu Tallinn Music Week, hałoŭnyja kancerty jakoha adbuducca z 30 sakavika pa 1 krasavika 2017 hodu, abvieścili pra pryjom zajavak ad biełaruskich muzykaŭ.
Fiestyval adbudziecca ŭžo ŭ dziaviaty raz. Ź nievialikaha rehijanalnaha mierapryjemstva jon pieratvaryŭsia ŭ adzin z hałoŭnych jeŭrapiejskich šoŭkiejsaŭ i ŭ 2016 hodzie pabiŭ ułasnyja rekordy. Na ŭdzieł u im było padadziena 1300 zajavak ad artystaŭ z 47 krain, dla vystupaŭ byli abranyja 250 artystaŭ z 33 krain. Kancerty naviedała bolš za 34 tysiačy hledačoŭ, u prafiesijnaj kanfierencyi ŭziali ŭdzieł bolš za 600 zamiežnych delehataŭ, mierapryjemstva aśviatlali bolš za 130 zamiežnych žurnalistaŭ.
Biełaruś aktyŭna ŭdzielničaje ŭ Tallinn Music Week užo try hady. Za hety čas na fiestyvali vystupiła 10 biełaruskich artystaŭ, bolšaść ź jakich pa vynikach mierapryjemstva zdoleli atrymać praktyčnyja prapanovy. Adsiul Super Besse patrapili na fiestyval Positivus u Łatvii, «Pietla pristrastija» — na fiestyval Manka Boutique Pop u Estonii, Mustelide — na Colisium Music Week u Sankt-Pieciarburhu, a Teleport — na hałoŭny niamiecki šoŭkiejs-fiestyval Reeperbahn u Hamburhu. Partnioram Tallinn Music Week u Biełarusi źjaŭlajecca sajt Experty.by.
— Kožny hod my adkryvajem dla siabie novych artystaŭ ź Biełarusi, jakich potym my bačym na roznych mierapryjemstvach u Jeŭropie. Heta značyć, što z adnaho boku vašyja artysty majuć patrebny jakasny ŭzrovień. Ź inšaha, što našy bukinh-ahienty, jakija abirajuć z tysiačy ź liškam zajavak, dobra robiać svaju pracu. Heta słušnaje spałučeńnie, — kaža dyrektar fiestyvalu Chielen Siłdna.
Udzieł u muzyčnaj prahramie Tallinn Music Week biaspłatny. Artystam zabiaśpiečvajuć abstalavańnie dla vystupu i žytło na dzień kancerta. Zajaŭki ad artystaŭ (ad pap i rok-muzyki da elektroniki i mietału) prymacca da 1 listapada 2016 hodu praz anłajn-formu. Inšyja varyjanty ŭdziełu ŭ fiestyvali na sajcie Experty.by.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary