4 vieraśnia ŭ Padlašskaj opiery Biełastoka telekanał «Biełsat» ładzić kancertnuju premjeru jubilejnaj viersii «Narodnaha alboma», prymierkavanaj da nadychodziačaha 20-hodździa adnaho za najbolš viadomych i upłyvovych biełaruskich muzyčnych prajektaŭ.
Za muzyčnuju častku «Narodnaha alboma» tradycyjna adkazvaje Lavon Volski. Razam ź im zaśpiavajuć i inšyja vakalisty aryhinalnaha składu prajekta: Źmicier Vajciuškievič, Alaksandr Pamidoraŭ, Vieranika Kruhłova, Kasia Kamockaja. Ahułam u prajekcie budzie zadziejničana bolš za 20 biełaruskich muzykaŭ — takoha vialikaha składu ŭ prajekta jašče nikoli nie było.
Razam z muzyčnaj budzie pašyrana i vizualnaja častka prajekta. Za heta adkazvaje viadomy polski televizijny režysior Konrad Smuha, jaki rabiŭ šmat bujnych televizijnych prajektaŭ dla hałoŭnych kanałaŭ Polščy: TVP 1, TVP 2, Polsat. Jon płanuje maksimalna skarystać techničnyja mahčymaści Padlašskaj opiery — adnoj z samych sučasnych i prasunutych kancertnych placovak Polščy. Nad elemientami mastackaha azdableńnia, scenahrafijaj i kaściumami pracujuć mastačka Alena Ihruša i stvaralnik idei «Narodnaha alboma» Michał Aniempadystaŭ.
— Apošni raz my hrali «Narodny albom» u 2008 hodzie. Novaja viersija budzie kanceptualna adpaviadać kłasičnaj, ale z realizacyjaj na inšym jakasnym i techničnym uzroŭni, — raspaviadaje Lavon Volski. — Užo iduć repietycyi i pakul što pa muzyčnaj častcy ja ŭsim vielmi zadavoleny. Vizualnuju častku raspracoŭvaje polski bok, tam taksama ŭsio vielmi ambitna.
— Dla nas heta vialiki vyklik i najvialikšy za šmat hod tvorčy prajekt, jaki robić «Biełsat». My padumali, što takoj kultavaj źjavie, pieśni ź jakoj u Biełarusi viedaje amal kožny, treba nadać prafiesijnuju formu, jakuju jana zasłuhoŭvaje i na jakuju nikoli da hetaha nie chapała hrošaj i mahčymaściaŭ, — ličyć Ahnieška Ramašeŭskaja-Huzy, dyrektar telekanała «Biełsat».
***
Kvitki na kancert dla biełarusaŭ buduć biaspłatnymi. Kab atrymać kvitok i vizavuju padtrymku, treba zarehistravacca na admysłovaj staroncy sajtu telekanała Biełsat, słušna adkazaŭšy na niekalki pytańniaŭ pra pieśni «Narodnaha alboma».
Vizavaja padtrymka dazvalaje ŭładalnikam kvitkoŭ atrymać vizy biez apłaty konsulskaha zboru (da 25 hod) i za 50% konsulskaha zboru (ad 25 hod). Padać na vizu možna budzie ŭ Vizavych centrach Respubliki Polšča ŭ Minsku, Breście i Hrodna biez elektronnaj rehistracyi. Pasłuha padačy płatnaja — 15 jeŭra. Padrabiaznaści buduć dasyłacca na mejł razam z kvitkami.
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?6
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8484
Kamientary