Hierasimienia: U nas była nie zusim zdarovaja abstanoŭka ŭ nacyjanalnaj kamandzie
Bronzavaja miedalistka Alimpijady ŭ Rya na dystancyi 50 mietraŭ volnym stylem Alaksandra Hierasimienia raspaviała ab pryncypovych roznahałośsiach z hałoŭnym trenieram kamandy Dźmitryjem Mancevičam.
— U nas była nie zusim zdarovaja abstanoŭka ŭ nacyjanalnaj kamandzie. Šmat napružańnia, niervovych situacyj. Heta nie mahło nie adbicca na vyniku.
Nieŭzabavie paśla Alimpijady ŭ Łondanie pajšła čarada niaŭdač. Pieršapačatkova heta było źviazana z asabistymi abstavinami. Potym pierarasło ŭ stratu fizičnaj formy, traŭmy. Praz heta pravaliła čempijanat Jeŭropy. Zrazumieła, upeŭnienaści nie prybaŭlałasia. Ale śledam była Kazań užo z kankretnaj pamyłkaj treniera zbornaj, jaki vinu nie pryznaŭ, a tolki zvaliŭ usio na spartoŭcaŭ — na ich prablemy ŭ hałovach. Mnie padajecca, heta niapravilna.
A my ž realna byli drenna padviedzieny. Na pik formy vyjšli značna raniej, i na «śviecie» nichto navat najmienšaha šancu nie mieŭ. Prapłyvali pieršuju pałovu dystancyi, a dalej nie mahli fizična. Što b ni było ŭ hałovach — sprava tut vidavočna ŭ inšym. Ja liču, svaje pamyłki treba pryznavać, a nie kryvadušničać.
Razumiejecie, prablemy ŭ hałavie zaŭsiody buduć, kali niama vyniku. Ale časam vyniku niama nie pa tvajoj vinie. Akramia taho, važna, kab čałaviek, jaki pobač, padtrymlivaŭ, a nie pierakładaŭ na ciabie svaju vinu.
— Kiraŭnictva fiederacyi jak staviłasia da situacyi?
— Było na baku treniera. Prosta jon umieje pryhoža havaryć. Asabliva načalstvu. Viedajecie, kali za dzień da kanca vystupaŭ vychodzić publikacyja (na ščaście, nie čytała), matyŭ jakoj «maja chata z kraju», a potym ciabie vinšujuć: «O, vydatna! My zrabili heta!»… Što? My?.. Nu, heta prosta niapravilna. Kryvadušnaść. Za takoje nie pavažaju ludziej.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»4
Kamientary