Hetym letam pačaŭ nabirać abaroty jašče adzin rasijski sajt, nakiravany na Biełaruś. Admietny jon najpierš svajoj nazvaj — 1863x.net.
Heta adkaz rasijskich šavinistaŭ na papularny resurs 1863x.com, jaki vioŭ Eduard Palčys, jon ža «Džon Silvier». Nazvy ŭ sajtaŭ adnolkavyja, roznyja tolki damieny. Hetkim čynam sprabujuć zabłytać čytača, jaki sajt čytać.
Admietna, što adnym z aktyŭnych aŭtaraŭ, mahčyma, što i stvaralnikam (jany nie paznačanyja) źjaŭlajecca rasijski publicyst biełaruskaha pachodžańnia Kirył Aviarjanaŭ-Minski.
Mienavita jon u krasaviku sioleta pieršym napisaŭ padrabiaznaści kryminalnaj spravy «Džona Silviera», vykłaŭ jaho zdymki, a taksama nazvaŭ sapraŭdnaje imia.
Z chranałohii vynikaje, što čarnasocienski sajt 1863x.net byŭ stvorany litaralna na nastupny dzień paśla ahučańnia imia Eduarda Palčysa. Jak kazaŭ u takich vypadkach kłasik rasijskaj prapahandy Dźmitryj Kisialoŭ: «Supadzieńnie?»
Kirył Aviarjanaŭ-Minski viadomy svaimi artykułam na sajcie «Sputnik i pahrom», dzie śćviardžaje, što nie isnuje nijakich biełarusaŭ, jon admaŭlaje ŭ pravie isnavańnia biełaruskaj dziaržaŭnaści. Aviarjanaŭ-Minski ličyć nacyjanalistami jak biełaruskija ŭłady na čale z Łukašenkam, hetak i apazicyju.
U šapcy sajta 1863x.net źmieščanyja partrety Muraŭjova-viešalnika, a taksama piśmieńnika Usievałada Krastoŭskaha.
Sajt stavić na metu baraćbu ź biełaruskaj dziaržaŭnaściu, movaj, ačarnieńnie nacyjanalnych hierojaŭ — Kołasa, Kupały, Kalinoŭskaha, Bahuševiča i inšych.
Zatoje ŭ vyklučna pazityŭnym śviatle pradstaŭlenyja takija asoby, jak Muraŭjoŭ-viešalnik, adzin ź ideołahaŭ zachodnierusizmu Kajałovič, impieratar Alaksandr II.
Sajt similarweb.com padaje statystyku pa 1863x.net, što ciaham lipienia jon mieŭ 7,5 tysiačy naviedvalnikaŭ, kožny ź jakich pravodziŭ na sajcie 1,45 chviliny, a taksama adkryvaŭ 2,8 artykuły.
Adnak najbolš cikava, adkul ža idzie trafik na sajt. Dyk voś 78,09% trafika z… ZŠA. Niaŭžo ludziam ź Indyjany i Ałabamy tak cikava čytać na ruskaj movie pra Kajałoviča i Muraŭjova? Najchutčej, majem spravu sa zvyčajnaj nakrutkaj naviedvalnaści.
Čarnasocienski sajt 1863x.net maje na mecie ŭniasieńnie błytaniny z nazvami z patryjatyčnym resursam «Džona Silviera». Nie paddavajciesia na takija pravakacyi.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary