Raskład vystupaŭ biełarusaŭ na Alimpijadzie ŭ Rya na siońnia, 9 žniŭnia

9 žniŭnia Biełaruś budzie pradstaŭlenaja ŭ siami vidach sportu. Siońnia vystupajuć Uładzimir Samsonaŭ, Kaciaryna Karsten, žanočaja zbornaja Biełarusi pa baskietbole i nie tolki.

Zoračkaj (*) adznačanyja spabornictvy, jakija pa biełaruskim časie pačnucca ŭ noč na nastupnyja sutki.

Baskietboł

21.30 — Žančyny. Hrupa «A». Brazilija — Biełaruś

Zbornaj Biełarusi nieabchodna abyhrać braziljanak — treciaje paražeńnie zapar vielmi zatumanić biełaruskija pierśpiektyvy na vychad u płej-of.

Hrupa «A»: Aŭstralija — 4 ački (2 hulni), Japonija — 4 (2), Francyja — 4 (2), Biełaruś — 2 (2), Turcyja — 2 (2), Brazilija — 2 (2).

Viesłavańnie akademičnaje

14.30 — Mužčyny. Adzinočka. 1/4 finału

18.00 — Mužčyny. Čaćviorka raspašnaja. Suciašalny zajezd

15.10 — Žančyny. Adzinočka. 1/4 finału

16.10 — Dvojka parnaja. 1/2 finału

17.10 — Dvojka raspašnaja. Suciašalny zajezd

Stanisłaŭ Ščarbačenia (adzinočka) vyjdzie na vadu ŭ druhim čverćfinalnym zapłyvie, jaki startuje ŭ 14.40 pa biełaruskim časie. Propusk u paŭfinał atrymajuć try najlepšyja spartsmieny z šaści jakija startujuć.

Kaciaryna Karsten (adzinočka) trapiła ŭ čaćviorty čverćfinalny zajezd, jaki startuje ŭ 15.40 pa biełaruskim časie. Zadača taja ž, što i ŭ Ščarbačeni: finišavać u trojcy najlepšych.

Julija Bičyk i Taćciana Kuchta (dvojka parnaja) u pieršym paŭfinale dnia pasprabujuć finišavać ŭ trojcy, što dazvolić im aformić pucioŭku ŭ finał.

Biełaruskaja čaćviorka raspašnaja (Vadzim Lalin, Dzianis Mihal, Ihar Paševič, Mikałaj Šarłap) (čas u kvalifikacyi — 6.02,93) budzie zmahacca za prava vystupić u paŭfinale z kvartetami z Rasii (6.03,89), PAR (6.01,64) i Rumynii (6.02,56). U paŭfinał projduć try kamandy z čatyroch.

Biełaruskaja dvojka raspašnaja (Ina Nikulina i Alena Furman) pazmahajecca za vychad u paŭfinał u suciašalnym zajeździe (pačatak — u 17.10 pa biełaruskim časie), dzie biełaruskam buduć supraćstajać piać ekipažaŭ — italjanski, rumynski, kanadski, italjanski i hałandski. Pryčym usie jany pakazali ŭ kvalifikacyi čas lepšy, čym biełaruski. Padčas našaha dueta ŭ kvalifikacyi — 7.35,23.

Parusny sport

19.15, 20.15, 21.15 — Mužčyny. «RS: X»

19.05, 20.30 — Žančyny. «Łazier Radyjał»

Mikita Cyrkun («RS:X») praviadzie jašče try honki na papiaredniaj stadyi. U pieršy dzień 19-hadovy biełarus finišavaŭ 23-m (+2.21), 27-m (+4.37) i 25-m (+3.24). Razam — 75 ačkoŭ, što adpaviadaje 25 miescy ŭ pramiežkavaj tablicy. Paśla 12 honak siarod 36 spartsmienaŭ vyznačacca 10 udzielnikaŭ finału, u jakim i pojdzie baraćba za miedali.

Taćciana Drazdoŭskaja («Łazier Radyjał») paŭdzielničaje jašče ŭ dvuch papiarednich zapłyvach. U pieršy dzień biełaruska praviała dźvie honki, u jakich zaniała 23-je i 11-je miesca. Razam — 34, što adpaviadaje 14-mu miescu ŭ pramiežkavaj tablicy. Paśla 10 honak vyznačacca 10 lepšych spartsmienak, jakija i razyhrajuć miedali ŭ finalnym zapłyvie.

Płavańnie

19.00 — Mužčyny. 100 m volny styl. Papiarednija zapłyvy

4.00* — 1/2 finału

Šancaŭ na vychad u paŭfinał u Jaŭhiena Curkina (100 m volny styl), ščyra kažučy, mała, pakolki dadzieny vid prahramy źjaŭlajecca niaprofilnym dla hamielčuka, jaki robić asnoŭny ŭpor na stomietroŭcy baterflajem.

Stralba z łuka

15.00, 21.00 — Mužčyny. Indyvidualnaje pieršynstvo. 1/32 finału

15.52, 21.52 — 1/16 finału

U 1/32 finału ŭ 16.18 biełarus Anton Prylepaŭ sustreniecca z čylijcam Rykarda Sota. Šancy paŭdniovaamierykancaŭ vyhladajuć lepiej. U kvalifikacyi biełarus zaniaŭ 52-je miesca (643 ački), a čylijec — 13-je (675 ačkoŭ).

Stralba kulavaja

15.00, 18.00 — Žančyny. Małakalibierny pistalet. 25 m. Kvalifikacyja

21.30 — Finał

Viktoryja Čajka zavieršyć vystupleńni na hetaj Alimpijadzie. Šancy na finał u biełaruski pryvidnyja.

Tenis nastolny

22.00 — Mužčyny. Adzinočny razrad. 1/4 finału

U 1/4 finału Uładzimir Samsonaŭ sustreniecca z pradstaŭnikom Hiermanii Dźmitryjem Aŭčarovym (3), jaki źjaŭlajecca adnakłubnikam Samsonava.

• 0
• 0
• 0
• 0
• 0
• 0
• 0
• 0