Hałoŭny trenier zbornaj Ukrainy pa futbole Michaił Famienka padaŭ u adstaŭku paśla niaŭdałaha vystupu kamandy na čempijanacie Jeŭropy pa futbole ŭ Francyi.
Pra heta jon skazaŭ u intervju, apublikavanym na aficyjnym sajcie Fiederacyi futboła Ukrainy.
«Jaki sens praciahvać, kali zadańnie, jakoje było pastaŭlenaje pierad nami, my nie vykanali? Ja biaru adkaznaść za adsutnaść vyniku na siabie i padaju ŭ adstaŭku», — zajaviŭ Famienka.
Kamanda nie tolki nie zmahła vyjści z hrupy, ale i prajhrała ŭsie try matčy ŭ hrupie. Pry hetym padapiečnyja Michaiła Famienki nie zabili nivodnaha hoła i stali najhoršaj zbornaj čempijanatu.
Kažučy pra pryčyny niaŭdałaha vystupleńnia zbornaj na Jeŭra-2016, hałoŭny trenier nazvaŭ niaprostuju hrupu, niazručny kalandar, a taksama psichałahičnuju niehatoŭnaść niekatorych hulcoŭ da čempijanatu.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach32
Kamientary