Čechija – Charvatyja – 2:2.
Prykładna da 75-aj chviliny sustrečy ništo nie pakazvała, što charvaty buduć zadavolenyja ničyjoj. «Šašačnyja» ŭpeŭniena vyjhravali ŭ Čechii ź likam 2:0.
Z ščaślivaj uśmieškaj na 60-aj chvilinie z pola sychodziŭ Łuka Modryč. Maŭlaŭ, usie pad kantrolem. I tak sapraŭdy zdavałasia.
Za pieršy tajm čechi ŭvohule nie nanieśli nivodnaha ŭdara pa charvackaj bramie. A Pieryšyč zabiŭ – 1:0.
U druhim tajmie Ivan Rakicič skarystaŭsia žachlivaj pamyłkaj abarony Čechii i lik padvoiŭ.
Čechi zabili dastatkova niečakana. Hrajsmajstarskaja pieradača Rasicki na Škodu, i toj doryć svajoj kamandzie nadzieju.
Paśla adznačylisia charvackija fanaty, jakija zakidali pole pietardami. Arbitru Kłatenburhu na niejki čas navat daviałosia spynić hulniu.
Paśla adnaŭleńnia sustrečy čechi zasłužyli prava na pienalci praz hulniu rukoj charvackaha abaroncy. Niecyd nie schibiŭ – 2:2. Naprykancy charvatam davodziłasia adbivacca, kab čechi nie vyrvali pieramohu.
Stanovišča ŭ hrupie D nastupnaje: Charvatyja – 4 punkty (2 hulni), Ispanija – 3 (1), Čechija – 1 (2), Turcyja – 0 (1).
Siońnia taksama sustrakajucca Ispanija – Turcyja (22:00).
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty50
Kamientary