Ruskaja pravasłaŭnaja carkva nie budzie ŭdzielničać va Usiepravasłaŭnym sabory, jaki płanavałasia pravieści ŭ druhoj pałovie červienia na Krycie.
Pryčynaj hetaha, jak vynikaje z paviedamleńnia «Interfaksa», stała admova šerahu inšych cerkvaŭ ad udziełu ŭ sabory.
«Va Usiepravasłaŭnym sabory pavinny ŭdzielničać usie Cerkvy, i tolki ŭ hetym vypadku rašeńni Sabora buduć lehitymnymi», - zajaviŭ kiraŭnik adździeła zamiežnych carkoŭnych suviaziaŭ RPC mitrapalit Iłaryjon.
«Jak niekatoryja zaraz kažuć: nu, admovilisia — heta ich prablemy, chaj nie ŭdzielničajuć, a my ŭsio roŭna źbiaremsia tym składam, jaki tam budzie, prymiem rašeńni, i jany stanuć dla ŭsich abaviazkovymi. Tak nie byvaje», — cytuje mitrapalita «Interfaks».
Jon nahadaŭ, što ŭ apošnija dni adrazu niekalki pamiesnych Pravasłaŭnych cerkvaŭ — Bałharskaja, Antyjachijskaja i Hruzinskaja — admovilisia ad udziełu ŭ Sabory, a Sierbskaja carkva vystupiła za jaho pieranos.
***
Padrychtoŭka da Usiepravasłaŭnaha sabora, u jakim pavinny ŭziać udzieł 15 pravasłaŭnych cerkvaŭ, išła z 1960-ch hadoŭ. U pačatku červienia stała viadoma, što RPC moža admovicca ad udziełu ŭ sabory z-za roznahałośsiaŭ ź inšymi cerkvami. U dalejšym ad udziełu admovilisia Bałharskaja, Antyjachijskaja i Hruzinskaja cerkvy.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary