Pientahon raspracoŭvaje tajemnyja hłybakavodnyja schoviščy. Nastupnyja — padvodnyja bieśpiłotnyja rakietnyja bazy?
Amal 50% płoščy suśvietnaha akijana maje hłybiniu bolš za 4 km, što daje mahčymaść zahadzia arhanizavać u samych roznych rehijonach Ziamli schoviščy dla paliva i bojezapasu, ličyć Ahienctva pierśpiektyŭnych abaronnych daśledavańniaŭ Pientahona (DARPA).
U toj ža čas hetyja schoviščy ci, inakš kažučy, vjdaizalavanyja kantejniery pavinny być mabilnymi i kiravacca jak bieśpiłotniki, kab u patrebny čas padniacca navierch i sustrecca z bajavym karablom, jaki patrabuje papaŭnieńnia prypasami.
Takim čynam Pientahon moža aščadzić čas i vialikija srodki, kali ŭ bajavoj situacyi budzie patrebna adnavić bajazdolnaść karabla ci padvodnaj łodki za tysiačy mil ad amierykanskaha bieraha.
Pry hetym kantejniery mohuć być skinutyja tajemna małazaŭvažnymi pavietranymi bieśpiłotnikami i pavinny znachodzicca ŭ «śpiačym» režymie na dnie hadami.
Treba adznačyć, što ŭ pryncypie, takaja sistema pry dalejšaj raspracoŭcy daść mahčymaść taksama stavić na dno hatovyja da boju «śpiačyja» sistemy, jakija buduć pa kamandzie niečakana atakavać rakietami ci tarpiedami z-pad vady varožyja karabli.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu10
Kamientary