Zusim chutka žychary Tumannaha Albijona zmohuć karystacca pasłuhami mietrapalitena kruhłyja sutki. Z 19 žniŭnia kruhłasutačna pieravozić pasažyraŭ buduć ciahniki na vietkach Central i Victoria.
Krychu paźniej, užo vosieńniu, i ranicaj, i nočču mietro budzie pracavać na linijach Jubilee, Northern i Piccadilly. Jak skazaŭ mer Łondana Sadzik Chan, taki hrafik raboty mietrapalitena nieabchodny, kab realizavać jaho ŭłasnyja płany pa padtrymcy ekanomiki brytanskaj stalicy ŭ načny čas. Kiraŭnik horada ličyć, što takaja miera stvoryć bolš rabočych miesc, a ŭ łondancaŭ źjavicca bolš mahčymaściej.
Pieravieści na 24-hadzinny režym raboty łondanskuju padziemku ŭłady płanavali jašče ŭ vieraśni minułaha hoda. Adnak ničoha nie atrymałasia: mašynisty nie zhadzilisia pracavać nočču biez značnaha pavyšeńnia zarpłaty. Takaja niedahavoranaść pamiž staličnymi ŭładami i rabotnikami mietro vyliłasia ŭ sieryju zabastovak, u vyniku jakich hety vid hramadskaha transpartu byŭ poŭnaściu niedastupny. Takoje ŭ brytanskaj stalicy było ŭpieršyniu za 13 hadoŭ. Paźniej damovicca ŭsio ž udałosia: umovy mašynistaŭ byli vykanany, i ŭsie kanfliktujučyja baki zastalisia zadavolenymi.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu19
Kamientary