Namieśnik kiraŭnika Minkamsuviazi Rasii Alaksiej Volin nie bačyć palityčnaha padtekstu ŭ zvalnieńni redaktaraŭ chołdynhu RBK, zajaviŭšy, što Lizavietu Asiacinskuju, Ramana Badanina i Maksima Solusa zvolnili «za idyjatyzm».
«Kali mieniedžmient, pa sutnaści spravy, nijakich źmienaŭ u ekanomicy pradpryjemstva nie pryvodzić i zvalniajecca za idyjatyzm, znajści palityku samaja miłaja sprava. Tamu što heta źjaŭlajecca vydatnym vyratavańniem ad abvinavačvańniaŭ u niekampietentnaści i nieprafiesijanaliźmie ŭ svajoj pracy», — zajaviŭ Volin.
Byłaja šef-redaktar chołdynhu Lizavieta Asiacinskaja ŭpeŭnienaja, što pryčynaj zvalnieńnia hałoŭnaha redaktara haziety RBK Maksima Solusa, hałoŭnaha redaktara internet-redakcyi Ramana Badanina i jaje samoj było niezadavolenaść Kramla infarmacyjnaj palitykaj chołdynhu.
«Nijakaj ekanamičnaj padaploki va ŭsim tym, što adbyłosia niama, a jość mienavita toje, pra što pišuć ciapier pra nas u roznych ŚMI», — napisała jana ŭ «Fejsbuku» niekalki dzion tamu. Paźniej u intervju Financial Times Asiacinskaja źviazała zvalnieńnie redaktaraŭ z publikacyjaj «panamskich dakumientaŭ».
Paśla publikacyi «panamskaha daśje» jana paprasiła žurnalistaŭ «kapać» spravu ab afšorach siabra prezidenta Rasii Uładzimira Pucina Siarhieja Rałduhina, što dapamahło partału naraścić trafik.
Jak paviedamlałasia, šef-redaktar rasijskaha miedyjachołdynha RBK Lizavieta Asiacinskaja, hałoŭny redaktar infarmahienctvy RBK Raman Badanin i hałoŭny redaktar haziety RBK Maksim Solus byli zvolnienyja z zajmanych pasadaŭ 13 maja.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach19
Kamientary