Hurt Shuma prezientavaŭ videa na kłubnuju viersiju narodnaj pieśni «Rano rano». Kampazicyja anansuje vychod novaha alboma «Sonca», kancertnaja prezientacyja jakoha adbudziecca 27 maja ŭ anhary «Chulihana» pry padtrymcy «Atłant Telekam».
U biełaruskaj i słavianskaj mifałohii rusałki spakušali mužčyn i kazytali ci abdymali ich da śmierci, tamu ludzi ich bajalisia. U rusalny tydzień usie paźbiahali chadzić pa adnym ŭ les i ŭ pole, a taksama nie kupalisia.
— «Rano rano» — adzin z samych tancavalnych i svojeasablivych trekaŭ u albomie. Tut my admysłova pastaralisia stvaryć atmaśfieru chvalavańnia, psichadeličnaści, niepradkazalnaści, kab pakazytać niervy. Dla treka admysłova była zapisana duda, jakuju apracavali takim čynam, kab jaje huk staŭ płavajučym i dziŭnym, byccam vy čujecie jaje praz son, – tłumačyć vakalistka i idejnaja natchnialnica kalektyva Rusia.
Novaja viersija kampazicyi aranžyravanaja ŭ styli deep house i adlustroŭvaje stylistyku novaha alboma «Sonca», jaki vyjdzie 20 maja – u paraŭnańni z debiutnym dyskam «Žnivo» jon budzie bolš dynamičnym i tancavalnym. Aranžyroŭkami alboma zajmaŭsia Alexis Scorpio – biełaruski saŭndpradusar, jaki ŭžo bolš za hod pracuje ŭ SŠA. Dysk možna zamović na iTunes.
U sakaviku 2016 debiutny albom Shuma «Žnivo» pieramoh u naminacyi «Albom hoda» na ŭznaharodach Experty.by pa hałasach biełaruskich i zamiežnych muzyčnych žurnalistaŭ. U jakaści hałoŭnaha pryza hurt atrymaŭ rekłamna-informacyjnuju podtrymku kancerta ad internet-apieratara «Atłant Telekam».
Shuma z novym albomam «Sonca» 27 maja ŭ anhary «Chułihan» (vuł. Kastryčnickaja, 16). Pačatak u 19.00.
Kvitki: 150 tys. rub. (pieršyja 100), 200 tys. rub. (papiarednie), 250 tys. rub. (u dzień kancerta)
Prodaž: «Tieatralnaja kasa» (uł. Kalinina 5), «Chulihan» (vuł. Kastryčnickaja, 16), a taksama Bezkassira.by, Eventer.by.
Infalinija: +375 29 944 68 13
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary