Biełaruskija mohiłki źjaviacca ŭ internecie
Pra niezvyčajnaje zachapleńnie, jakoje moža dapamahčy tysiačam ludziej znajści svaje karani, aŭtar idei raspavioŭ Polskamu radyjo.
Miančuk Andrej Burdziankoŭ pracuje hidam-pierakładčykam. Pracuje z zamiežnaj aŭdytoryjaj, na žal, jak sam kaža, vielmi małalikaj. Adna z samych cikavych hrup, ź jakoj jamu davodzicca pracavać – heta naščadki ŭradžencaŭ Biełarusi, jakija chočuć paznajomicca ź ziamloj prodkaŭ. U 2011 jon dapamahaŭ hościu z Aŭstralii šukać mahiły svaich dziadoŭ u vioscy Nalibaki ŭ Staŭbcoŭskim rajonie.
Andrej Burdziankoŭ: Mohiłki tady byli ŭ davoli kiepskim stanie: tam lažali drevy, usio było ŭ kustoŭi. My šukali vielmi doŭha, i praz dva tydni vyjaviłasia, što jaho baćka paznaŭ adnu z nadmahilnych plitaŭ. Heta była mahiła jaho babuli. I pakul my chadzili j šukali, to ja padumaŭ, što kali my ŭ centry Eŭropy, to ŭ 21 st. pošuk mahiłaŭ pavinien adbyvacca inakš.
Tak u Andreja naradziłasia ideja abličboŭki nadmahilnych plit.
U Biełarusi robiacca pieravažna śpisy pamierłych, a jon vyrašyŭ pajści dalej, kab dapamahčy ludziam imhnienna znachodzić pachavańni svaich prodkaŭ.
Pačaŭ jon z nalibackich mohiłak, jakija ŭrazili jaho svajoj svajoj ścipłaściu, pryhažościu j elehantnaściu. U Nalibakach jon pabyvaŭ 20 razoŭ. Niekalki načej načavaŭ na parkoŭcy ŭ mašynie, a ranicaj praciahvaŭ abličboŭvać.
Andrej Burdziankoŭ: Admysłova zroblenaja prahrama dla «Androida» zasiakaje kaardynaty GPS i pakazvaje dakładnaść u metrach. Kab dadać na kartu nadmahilnyja plity, treba stvaryć tam mohiłki.
Kožnuju plitu treba fatahrafavać i zasiakać. U biaspłatnym dadatku, ź jakoha ja pačynaŭ kaardynaty kožnaj plity, potym treba było nanosić uručnuju.
Dniami Andrej zaviaršaje testavańnie ŭłasnaha prykładańnia, jakoje jon raspracavaŭ razam sa znajomymi. Jano dazvalaje lubomu čałaviek, jaki ŭmieje trymać u rukach smartfon, zasiekčy kaardynaty GPS i zrabić zdymak nadmahilnaj plity. Zdymki rabić nia tak prosta jak moža zdavacca. Najpierš nieabchodnaje idealnaje sonca. Šmat kłopataŭ robić moch i plesień na plitach. Zmahacca z hetym Andreju dapamahaje admysłovaje amerykanskaje rečyva, jakoje nia škodzić samoj plicie abo kamieniu, ale ačyščaje jaho ad brudu. Dva halony (7,4 litra) hetaha rečyva razam dastaŭkaj z ZŠA kaštuje ažno 120 dalaraŭ.
Aprača funkcyi pošuku pachavańnia na sajcie možna zarehistravacca j pakinuć u vyhladzie PINa ŭ svaich nasielenych punktach na karcie googlemaps pytańnie j čakać adkazu ad miascovaha krajaznaŭca ci prosta miascovaha žychara. Na sajcie budzie taksama stvorany forum i dadadzienyja niekatoryja instrumenty pa archivach
Andrej Burdziankoŭ: Mohiłki – heta karcina j adlustravańnie našaha hramadztva. Dla mnohich heta źviano, jakoje złučaje ich z prodkami. U Pinsku my adnojčy dapamahli znajści mahiłu adnoj spadaryni z Kanady za 5 chv. Heta jašče adzin arhument stvaryć sajt i pavialičyć šancy. Karcina była viel kranalnaja. Jana praviarała dadzienyja na plicie j pryhladałasia da pachavańnia svaich pradziedaŭ.
Była cikavaja sytuacyja, kali adzin čałaviek pryjechaŭ u rodnuju viosku praz 70 hadoŭ. Tam zhareła carkva, a kala jaje byli mohiłki. I voś praz 70 hadoŭ adzinaj mahiłaj, jakaja tam zastałasia, była mahiła jaho dzieda. I miascovaja žycharka sočyć za joj, dbaje pra jaje.
U sajta graves.by padobnaja meta. Ja chaču dapamahčy ludziam znajści svaje karani.
Ciapier Andrej Burdziankoŭ abličboŭvaje mohiłki ŭ Pinsku j Horadni. U budučyni jon maryć pašyrać maštab prajekta, pryciahnuŭšy da pracy novych ludziej.
Padtrymać prajekt graves.by možna praz kraŭdfandynhavuju platformu.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna1
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1111
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha11
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam54
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4747
Kamientary