Dziesiaci ŭdzielnikam akcyi na Dzień Voli prysudzili štrafy ad 10 da 40 bazavych vieličyń
Sud Savieckaha rajona Minsku 28 krasavika pakaraŭ dziesiacioch udzielnikaŭ akcyi 25 sakavika z nahody Dnia Voli štrafami ŭ pamiery ad 10 da 40 bazavych vieličyń (2,1—8,4 młn rubloŭ).
Staršyniu Partyi BNF Alaksieja Janukieviča asudzili na 35 bazavych vieličyń (7 młn 350 tys. rubloŭ). «Sud paličyŭ, što ja ŭdzielničaŭ u niesankcyjanavanym mitynhu kala kinateatra» Kastryčnik «, choć heta miesca było dazvolenaje dla zboru ŭdzielnikaŭ akcyi, — paviedamiŭ Janukievič. — Na ich dumku, niesankcyjanavanym mitynham źjaviłasia masavaja prysutnaść hramadzian i vykrykvańnie łozunhaŭ, pryčym ja vykrykvaŭ ich praz hukaŭzmacnialnuju aparaturu».
Jak paviedamlajuć pravaabaroncy, kaardynatar kampanii «Jeŭrapiejskaja Biełaruś» Maksim Viniarski aštrafavany na 35 bazavych vieličyń, člen Abjadnanaj hramadzianskaj partyi Mikałaj Kazłoŭ — na 40 bazavych vieličyń, sustaršynia arhkamiteta partyi «Biełaruskaja chryścijanskaja demakratyja» Vital Rymašeŭski — na 10 bazavych vieličyń. Aktyvisty apazicyi Mikałaj Kołas i Źmicier Daškievič aštrafavanyja na 20 bazavych vieličyń kožny, Kasia Ludvih — na 25 bazavych vieličyń, Aleś Makajeŭ, Źmicier Silčanka i Jaŭhien Batura — na 30 bazavych vieličyń kožny.
Pakul nie viadoma, jakija vyniki ŭ dačynieńni da aktyvista Dźmitryja Palijenki.
Nahadajem, Minharvykankam dazvoliŭ praviadzieńnie ŭ stalicy 25 sakavika akcyi z nahody Dnia Voli ŭ farmacie: zbor udzielnikaŭ kala kinateatra «Kastryčnik», šeście pa vulicy Surhanava da płoščy Banhałor, mitynh u parku Družby Narodaŭ. Adnak niekatoryja palityki i aktyvisty pierad pačatkam dazvolenaha šeścia ŭziali ŭdzieł va ŭskładańni kvietak da pomnika Janku Kupału ŭ adnajmiennym skviery, praviali tam mitynh i prajšli kałonaj pa praśpiekcie Niezaležnaści da kinateatra «Kastryčnik», što nie było dazvolena Minharvykankamam.
Za ŭdzieł u niesankcyjanavanych mierapryjemstvach 25 cakavika ŭžo asudžanyja apazicyjnyja palityki Uładzimir Niaklajeŭ i Anatol Labiedźka — kožny ź ich aštrafavany na 50 bazavych vieličyń (10,5 młn rubloŭ).
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4949
Kamientary