Sajt rasijskich čarnasociencaŭ apublikavaŭ fota Džona Silviera i raskazaŭ, chto jon
Na adnym z rasijskich čarnasocienskich sajtaŭ źjaviŭsia artykuł, pryśviečany biełarusu-zasnavalniku sajta 1863ch.com, jaki chavaŭsia pad niknejmam John Silver.
Pavodle aŭtara (jakomu KDB zabaraniŭ ujezd u Biełaruś, darečy), Džon Silvier — heta 25-hadovy ŭradženiec Lidy Eduard Palčys. Jaho zatrymali 23 studzienia pry pierasiačeńni ŭkrainska-rasijskaj miažy.
Ciapier Eduard, maŭlaŭ, znachodzicca ŭ SIZA-1 pa Branskaj vobłaści.
Taksama čarnasociency vykłali fota Eduarda, zroblenaje, vidać, rasijskimi siłavikami.
My spraŭdzili hetuju infarmacyju ŭ ludziej, pryvatna znajomych ź Silvieram. Tyja paćvierdzili, što na fota mienavita jon.
Ciapier, jak pišuć čarnasociency, Eduarda abo ekstradujuć u Biełaruś, dzie suprać jaho zaviedzienaja kryminalnaja sprava, abo buduć sudzić u Rasii za źmiest jahonych publikacyj na sajcie 1863x.com.
Miž tym u pres-słužbie Upraŭleńnia MUS pa Branskaj vobłaści karespandentu radyjo «Svaboda» zajavili, što ničoha nie viedajuć pra zatrymańnie biełaruskaha hramadzianina i nijakaj infarmacyi ab hetym nie raspaŭsiudžvali.
Jak paviedamiła jašče na pačatku sakavika aficyjny pradstaŭnik SK Julija Hančarova, Śledčym kamitetam raspačata i rasśledujecca kryminalnaja sprava pa č. 1 art. 130 (raspalvańnie rasavaj, nacyjanalnaj abo relihijnaj varožaści abo roźni) i č. 2 art. 343 (raspaŭsiudžvańnie parnahrafičnych materyjałaŭ) KK Biełarusi. Paviedamlałasia, što MUS Biełarusi abviaściła jaho ŭ vyšuk za parušeńnie padpiski ab niavyjeździe.
Sajt 1863x.com vyłučaŭsia rezkaściu i časam radykalnaściu, vioŭsia jon pa-rasiejsku, pryčym całkam ananimna. Nichto nie viedaŭ, chto taki Džon Silvier. Sajt 1863x.com zasnoŭvaŭsia jak adkaz na rasijski prajekt «Sputnik i pahrom».
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»4
Kamientary