Pa słovach Raula Kastra, budučym lidaram Kamunistyčnaj partyi pavinien stać čałaviek nie starejšy za 70 hadoŭ. Jon zaŭvažyŭ, što čas dać darohu maładym, a starym treba paciaśnicca, kab sastupić miesca svaim unukam.
Adnak vieterany aścierahajucca, što kampartyja nie zmoža praciahnuć svajo isnavańnie paśla taho, jak jany syduć.
Ciapierašnija kubinskija lidary, jakija ŭdzielničali ŭ revalucyi 1959 hoda, daŭno pierasiahnuli paroh 70-hodździa, a niekatoryja i 80-hodździa. Samomu Raulu Kastra 84 hady.
Słovy Kastra, pramoŭlenyja na źjeździe partyi, nie sustreli ŭchvaleńnia ŭ zale i supravadžalisia maŭčańniem.
«Nie dumajcie, što kali vy nie zmožacie kiravać krainaj, vy nie padychodzicie bolš ni dla čaho inšaha», — skazaŭ Kastra, reahujučy na maŭčańnie zały. I prapanavaŭ vieteranam partyi pravodzić bolš času sa svaimi ŭnukami.
Słovy ciapierašniaha kiraŭnika Kuby vyklikanyja niezadavolenaściu maładych členaŭ partyi, jakija nastojvajuć na paskareńni praviadzieńnia reformaŭ u krainie, pačatych piać hadoŭ tamu.
Kastra prapanuje abmiežavać uzrost tych, chto ŭstupaje ŭ CK partyi, 60 hadami, a dla abrańnia na pasadu lidara partyi pryznačyć maksimalny ŭzrost u 70 hadoŭ.
Novyja źmieny ŭ statut partyi pavinny być pryniatyja abo adprečanyja na ciapierašnim źjeździe partyi. Na dumku Kastra, hetyja źmieny pavinny być zamacavanyja ŭ Kanstytucyi i paćvierdžanyja praviadzieńniem refierendumu.
U paniadziełak na źjeździe budzie abrany lidar kampartyi, i čakajecca, što im znoŭ stanie Raul Kastra. Novyja praviły nie buduć prymianiacca ni da samoha Kastra, ni da Chase Ramona Mačada Vientury, jakomu ŭžo 85 i jaki źjaŭlajecca druhim čałaviekam u partyi paśla Raula Kastra.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju3
Kamientary