Alaksandr Łukašenka ŭ čas jakaja adbyłasia ŭ Stambule sustrečy z prezidentam Turcyi Redžepam Taipam Erdahanam prapanavaŭ aktualizavać paradak dnia biełaruska-tureckaha supracoŭnictva, ažyćciaviŭšy pierazahruzku pa šerahu kankretnych napramkaŭ z akcentam na handli i ekanomicy.
«Nadyšoŭ momant aktyvizavać supracoŭnictva, aktualizavać paradak dnia, adkarektavać darožnuju kartu adnosinaŭ», - skazaŭ kiraŭnik biełaruskaj dziaržavy. Alaksandr Łukašenka padkreśliŭ, što Biełaruś adkryta da supracoŭnictva z Turcyjaj.
Kiraŭniki dziaržaŭ damovilisia, što temy, jakija abmiarkoŭvalisia na ciapierašniaj sustrečy, atrymajuć dalejšaje praktyčnaje raźvićcio ŭ čas majučaha adbycca ŭ traŭni pasiadžeńnia mižuradavaj biełaruska-tureckaj kamisii. Havorka išła pra pierśpiektyvy pavieličeńnia tureckich inviestycyj u Biełaruś, bolš aktyŭnym uzajemadziejańni ŭ śfiery turyzmu, u tym liku šlacham pavieličeńnia intensiŭnaści avijaznosin pamiž krainami.
Prezident Biełarusi padziakavaŭ Redžepu Taipu Erdahanu za zaprašeńnie ŭziać udzieł u samicie Arhanizacyi isłamskaha supracoŭnictva, padkreśliŭšy važnaść dla Biełarusi prysutnaści na takim maštabnym forumie. Pavodle słoŭ Alaksandra Łukašenki, placoŭka samita taksama budzie spryjać ustalavańniu novych kantaktaŭ dla raźvićcia handlova-ekanamičnaha supracoŭnictva z šeraham krain.
U svaju čarhu Redžep Taip Erdahan adznačyŭ, što padobnyja sustrečy na najvyšejšym i vysokim uzroŭniach ŭnosiać vialiki ŭkład u raźvićcio dvuchbakovych adnosin. Jon padkreśliŭ, što Biełaruś źjaŭlajecca vostravam stabilnaści ŭ rehijonie.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary