Panelnaja aharodža vakoł budynku rajonnaha adździełu ŭnutranych spraŭ budzie razmalavanaja hrafici. Padrychtoŭku da takoj niezvyčajnaj aperacyi pačała vialejskaja milicyja. Aharodžu pavinny razmalavać školniki.
Panelnaja aharodža vakoł budynku rajonnaha adździełu ŭnutranych spraŭ pavinna być razmalavanaja hrafici. Padrychtoŭku da takoj niezvyčajnaj aperacyi pačała vilejskaja milicyja. Aharodžu pavinny razmalavać školniki.
Razmaloŭka aharodžy budzie prachodzić u ramkach akcyi «Maja milicyja». Heta pavinna stać svojeasablivym krokam da zbližeńnia pravaachoŭnych orhanaŭ z narodam, hety krok lišni raz paćvierdzić, što milicyjanery — takija samyja ludzi, jak usie, i što im taksama ŭłaścivaja luboŭ da pryhožaha.
«My rychtujemsia da praviadzieńnia hetaha mierapryjemstva i nie baimsia, što takaja surjoznaja ustanova, jak rajadździeł milicyi, moža być pafarbavanaja ŭ «viasioleńkija» kolery. Hałoŭnaje, kab heta było pryhoža, estetyčna i z hustam», — adznačyŭ 16 krasavika ŭ intervi «Rehijanalnaj haziecie» namieśnik načalnika Vilejskaha RAUS, kiraŭnik hrupy kadraŭ Andrej Dudarčyk.
Pavodle jaho słoŭ, ideja razmalavać aharodžu vakoł rajadździełu isnavała daŭno, ale jaje realizacyja pa roznych pryčynach adkładvałasia. Padčas papiaredniaj padrychtoŭki da akcyi byli navat raspracavanyja eskizy malunkaŭ. Planujecca, što mienavita ź ich buduć zroblenyja pieršyja raboty. Namieśnik načalnika RAUS spadziajecca, što źjaviacca hetyja raboty užo u traŭni.
Za dapamohaj i padtrymkaj, u tym liku materyjalnaj, na pačatku nastupnaha tydnia Andrej Dudarčyk źbirajecca źviarnucca ŭ adździeł pa rabocie z moładździu rajvykankamu.
«Pa škołach treba kinuć klič šukać talenavitych hrafitčykaŭ, jakija z entuzijazmam voźmucca za spravu, — kaža Andrej Dudarčyk, — udakładnić, ci hatovyja jany malavać pa tych eskizach, jakija užo jość».
«Vučebnym palihonam» dla pieršych rabot stanie ŭnutranaja častka aharodžy. Kali na jej źjaviacca malunki hrafici, jany buduć bačnyja z boku vulicy 1 Maja i vulicy Mołakava. A kali buduć raspracavanyja novyja dobryja eskizy, vytrymanyja ŭ duchu milicejskaj tematyki, buduć hladziecca pryhoža i estetyčna, kiraŭnictva RAUS adrazu dazvolić malavać i z vonkavaha boku aharodžy.
«Na žal, dobrych, talenavitych hrafitčykaŭ u nas niašmat, bolš tak zvanych «bambistaŭ», jakija niejkimi zakavykami pišuć na ścienach lozunhi. Heta zusim inšaje. Hrafici ž — element mastactva. I nam chočacca, kab raboty byli vytrymanyja mienavita ŭ styli mastactva», — skazaŭ Andrej Dudarčyk.
U ilustracyi vykarystany kadar z multfilmu «Dziadzia Ściopa — milicyjaner», Sajuzmultfilm, 1964 h.
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary