Viktoryja Azaranka vyjšła ŭ treci kruh (1/16 finału) tenisnaha turniru ŭ Majami (ZŠA) z pryzavym fondam 6.844.139 dołaraŭ.
U pieršym raŭndzie «pasiejanaja» pad 13-m numaram vośmaja rakietka śvietu była volnaja («pasieŭ» pravodziŭsia da apublikavańnia novaha rejtynhu VTA), a ŭ druhim vyjhrała ŭ Moniki Puih z Puerta-Ryka (67) - 6: 2, 6: 4.
Nastupnaj supiernicaj Azaranki budzie polka Mahda Linete (110).
Biełaruskaja tenisistka vyjhravała turnir u 2009 i 2011 hadach (pieramohi ŭ finale nad amierykankaj Sierenaj Uiljams - 6: 3, 6: 1 i Maryjaj Šarapavaj z Rasii - 6: 1, 6: 4), a ŭ minułym siezonie vybyła ŭ 1/16 finału.
Na minułym tydni Azaranka stała pieramožcaj spabornictvaŭ u Indyjan-Uełsie (ZŠA). U vyrašalnym matčy jana była macniejšaja za pieršuju rakietku śvietu Sierenu Uiljams - 6: 4, 6: 4.
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ
Kamientary