Miaśnikovič: Pytańnie ab pryvatyzacyi internataŭ pakul abmiarkoŭvacca nie budzie
Pytańnie ab pryvatyzacyi internataŭ u Biełarusi pakul abmiarkoŭvacca nie budzie. Pra heta paviedamiŭ siońnia ŭ čas sustrečy z pracoŭnym kalektyvam AAT «Biełšyna», adkazvajučy na pytańni supracoŭnikaŭ pradpryjemstva, staršynia Savieta Respubliki Nacyjanalnaha schodu Biełarusi Michaił Miaśnikovič.
Na dumku Miaśnikoviča, pačaŭšy pryvatyzacyju internataŭ, možna tym samym sparadzić masu inšych prablem. Naprykład, dla taho, kab internaty pieravieści z katehoryi časovaha žylla ŭ katehoryju pastajannaha, treba ŭkłaści srodkaŭ praktyčna nie mienš, čym pabudavać novaje. Tamu buduć uźnikać vielmi vialikija finansavyja i maralnyja vydatki, i čałaviek, jaki atrymaje hetyja mietry pryvatyzavanaha internata, pavinien razumieć, što jon siabie vyrakaje na znachodžańnie ŭ im na praciahły termin, padkreśliŭ staršynia Savieta Respubliki.
«Na moj pohlad, treba iści pa šlachu taho, kab stvarać dla našych hramadzian umovy dla budaŭnictva paŭnavartasnaha žylla. Tut jość adno vielmi važnaje pytańnie — heta vydzialeńnie dastupnych kredytaŭ. I ja dumaju, što my jaho za hod-dva vyrašym. Pakul ža hetyja kredyty dla ludziej amal niepadjomnyja, a značyć, i novaje žyllo — niedastupnaje», — ličyć Michaił Miaśnikovič.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach19
Kamientary