Bolš za tysiaču kryminalnych spraŭ raspačata pa faktach udziełu hramadzian Rasii ŭ kanflikcie na terytoryi Siryi i Iraka, zajaviŭ hienprakuror RF Juryj Čajka.
Pa słovach hienprakurora, niebiaśpieka ŭciahvańnia rasiejcaŭ va ŭdzieł u niezakonnych uzbrojenych farmiravańniach pa-raniejšamu vialikaja.
Akramia taho, jak adznačyŭ Čajka, pa patrabavańni hienprakuratury byŭ abmiežavany dostup da adnoj tysiačy internet-resursaŭ z-za zabaronienaj infarmacyi ab ekstremisckaj dziejnaści.
«Z amal siami tysiač sajtaŭ vydalenaja supraćpraŭnaja infarmacyja, u tym liku pra dziejnaść zabaronienych u krainie arhanizacyj», — skazaŭ Čajka, vystupajučy na pašyranym pasiadžeńni kalehii hienprakuratury.
Hienprakuror taksama papiaredziŭ pra mahčymaść «ekstremisckich prajaŭ» padčas vybarčaj kampanii ŭ Dziarždumu.
U studzieni 2014 hoda prakuratura Čačenskaj respubliki pryznała zakonnym raspačaćcie kryminalnaj spravy ŭ dačynieńni da Šachida Termibułatava, jaki padazravaŭsia va ŭdziele va ŭzbrojenym kanflikcie ŭ Siryi na baku praciŭnikaŭ Bašara Asada.
Niezadoŭha da hetaha namieśnik dyrektara FSB Rasii Siarhiej Śmirnoŭ paviedamiŭ, što ŭ Siryi mohuć znachodzicca ad 300 da 400 najmitaŭ z Rasii, jakija vajujuć suprać uradavaj armii.
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary