Piatro Parašenka padrychtavaŭ ukaz ab zvalnieńni hubiernatara Adeskaj vobłaści Michaiła Saakašvili. Jon padpisany, ale z adkrytaj dataj, pišuć ukrainskija ŚMI sa spasyłkaj na krynicu ŭ administracyi prezidenta Ukrainy.
Prezident Ukrainy padpisaŭ ukaz ab zvalnieńni Michaiła Saakašvili z pasady adeskaha hubiernatara. Infarmacyju pra heta apublikavaŭ «Apostraf» sa spasyłkaj na vydańnie «Odieśsit».
«Apostraf» padkreślivaje, što «Odieśsit» naležyć meru Adesy Hienadziu Truchanavu.
Vydańnie «Odieśsit» śćviardžaje, što ŭkaz ab zvalnieńni Saakašvili padpisany z «adkrytaj dataj».
Krynica vydańnia vykazała zdahadku, što prablema zaklučajecca ŭ asobie pierajemnika, ź jakim u Kijevie jašče nie vyznačylisia. U administracyi prezidenta razhladajucca niekalki kandydatur na hetuju pasadu, siarod jakich jość viadomyja palityki.
U toj ža čas u hutarcy z «Viesti.ua» daradca Saakašvili vobłaści Saša Baravik paviedamiŭ, što infarmacyja ab padpisańni prezidentam ukaza ab adstaŭcy hubiernatara «nosić hipatetyčny charaktar».
«Ja ŭžo čaćviorty raz čuju, što prezident nibyta padpisaŭ zvalnieńnie hubiernatara. Paru dzion tamu mnie patelefanavaŭ deputat ad Apazicyjnaha błoka, spytaŭ, maŭlaŭ, jak my siabie adčuvajem — heta vysiłki, jakija zaklikany prymusić nas niervavacca. Na samaj spravie faktaŭ, jakija paćviardžali b mahčymaść zvalnieńnia, u nas niama», - zajaviŭ Baravik.
Infarmacyja pra mahčymuju adstaŭku Saakašvili źjaviłasia ŭ ŚMI jašče 21 lutaha.
Kamientary