AAT «Biełaruskaja valutna-fondavaja birža» vyznačana Nacyjanalnym foreks-centram. Heta vynikaje z sumiesnaj pastanovy Savieta Ministraŭ i Nacyjanalnaha banka ad 4 sakavika 2016 hoda numar 177/8 «Ab vyznačeńni Nacyjanalnaha foreks-centra i zaćviardžeńni Pałažeńnia ab dziejnaści Nacyjanalnaha foreks-centra», paviedamili ŭ pres-słužbie biełaruskaha ŭrada.
«Biełaruskaja valutna-fondavaja birža maje prava ažyćciaŭlać dziejnaść pa praviadzieńni apieracyj, što inicyirujucca foreks-kampanijami, bankami, niabankaŭskimi kredytna-finansavymi arhanizacyjami, ź biespastavačnymi pazabiržavymi finansavymi instrumientami (dziejnaść na pazabiržavym rynku Foreks) paśla pryniaćcia adpaviednaha zakanadaŭčaha akta», — havorycca ŭ pastanovie.
Taksama dakumientam zaćvierdžana Pałažeńnie ab dziejnaści Nacyjanalnaha foreks-centra. Im ustanaŭlivajecca paradak dziejnaści Nacyjanalnaha foreks-centra (NFC) i jaho farmiravańnia, u tym liku ŭniasieńnia jurydyčnymi asobami, zarehistravanymi ŭ Biełarusi, statutny fond jakich sfarmiravany ŭ pamiery nie mienš jak Br2 młrd, i ŭklučanymi Nacyjanalnym bankam u rejestr foreks-kampanij, bankami, niabankaŭskimi kredytna-finansavymi arhanizacyjami ŭznosaŭ u harantyjny fond. Taksama vyznačany paradak viartańnia ŭniesienych srodkaŭ subjektami pazabiržavaha rynku Foreks, hraničny pamier vypłat z harantyjnaha fondu fizičnym i (abo) jurydyčnym asobam pa abaviazacielstvach subjektaŭ pazabiržavaha rynku Foreks.
NFC budzie ažyćciaŭlać zbor, sistematyzacyju, ulik i zachoŭvańnie spravazdačnaści ab usich pravodzimych subjektami pazabiržavaha rynku Foreks apieracyjach ź biespastavačnymi pazabiržavymi finansavymi instrumientami i pradstaŭlać jaje ŭ Nacyjanalny bank. Taksama centr budzie pravodzić analiz pradastaŭlajemaj subjektami pazabiržavaha rynku Foreks spravazdačnaści ab usich pravodzimych imi apieracyjach, vyjaŭlać parušeńni ich ažyćciaŭleńnia i infarmavać ab takich parušeńniach rehulatar. Akramia taho, jon budzie akazvać na padstavie dahavora na płatnaj asnovie pasłuhi pa rehistracyi, apracoŭcy danych, raźmiaščeńni infarmacyi i inšyja pasłuhi, źviazanyja z ažyćciaŭleńniem funkcyj.
Harantyjny fond farmirujecca NFC za košt uznosaŭ subjektaŭ pazabiržavaha rynku Foreks u dołarach ZŠA ŭ metach viartańnia klijentam hrašovych srodkaŭ u zamiežnaj valucie pry niemahčymaści vykanańnia foreks-kampanijami svaich abaviazacielstvaŭ pa pahadnieńniach za košt ułasnych srodkaŭ i zabieśpiačalnaha kapitału, a bankami, niabankaŭskimi kredytna-finansavymi arhanizacyjami — za košt ułasnych srodkaŭ. Srodki harantyjnaha fondu raźmiaščajucca na biahučych (raźlikovych) bankaŭskich rachunkach sa śpiecyjalnym režymam funkcyjanavańnia ŭ AAT «Aščadny bank «Biełarusbank». Subjekty pazabiržavaha rynku Foreks abaviazany pieraličać u harantyjny fond ulikovy ŭznos i kalandarnyja ŭznosy. Ulikovym uznosam pryznajecca suma, jakaja pieraličajecca subjektam pazabiržavaha rynku Foreks na zvarotnaj asnovie i padtrymlivajecca ŭ harantyjnym fondzie ŭ pamiery nie mienš jak $55 tys.
Hetaja pastanova nabudzie moc 7 sakavika 2016 hoda.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary