Paet, jakomu było 84 hady, doŭhi čas zmahaŭsia z ankalahičnym zachvorvańniem.
Michaił Tanič supracoŭničaŭ z takimi rasiejskimi kampazytarami jak Jury Saulski, Uładzimier Šainski, Oskar Felcman, Mikita Bahasłoŭski. Pisaŭ vieršy da pieśniaŭ Kłaŭdzii Šulženki, Ały Puhačovaj, Iosifa Kabzona, Muślima Mahamajeva, Alony Apinaj, Viačasłava Maležyka dy inš.
Siarod papularnych jahonych pieśniaŭ, «Čiornyj kot», «Biełyj lebied́», «Na dalniej stancii sojdu», «Provody lubvi», «Komarovo», «Pohoda v domie».
U 1992 h. zasnavavaŭ hurt «Lesapavał» i kiravaŭ im.
Pachavany Michaił Tanič budzie na Vahańkaŭskich mohiłkach, u subotu 19 krasavika.
«Pajšoŭ z žyćcia naš nastaŭnik, jaki staviŭsia da nas, jak da dziaciej. My ŭsie vielmi smutkujem. Vielmi ciažka kazać», ‑‑ skazaŭ administratar «Lesapavała» Anatol Kalenkin.
***
Michaił Tanič naradziŭsia ŭ 1923 h. u Tahanrohu. U 1938 h. byŭ aryštavany i rasstralany jahony baćka — Isaj Tanič.
Z 1942 h. Michaił Tanič byŭ na froncie. U jakaści kamandzira supraćtankavaj harmaty prajšoŭ ad Biełarusi da Elby. Mieŭ niekalki ŭznaharod.
Paśla vajny pastupiŭ u Rastoŭski inžynierna‑budaŭničy instytut. U 1947 h. aryštavany pavodle art. 58. Vyzvaleny ź lahieru ŭ 1953 h. z daviedkaj, jakaja zabaraniała žyć u 39 haradach.
U pačatku 1990‑ch Michaił Tanič syšoŭ ź śvietu pop‑muzyki i pisaŭ vyklučna dla «Lesapavału».
Kamientary