Limit «22 jeŭra — pasyłka, 300 — uvoz» ŭstupić u siłu 14 krasavika
Pryčynaj uzmacnieńnia žorstkaści limitaŭ biaspošlinnaha ŭvozu tavaraŭ źjaviłasia značnaje pavieličeńnie abjomaŭ uvozu tavaraŭ u kamiercyjnych maštabach u adras fizičnych asob biez vypłaty mytnych płaciažoŭ.
Pra heta raspavioŭ namieśnik staršyni Dziaržaŭnaha mytnaha kamiteta Biełarusi Uładzimir Arłoŭski ŭ prahramie «Kontury» na telekanale ANT.
Pradstaŭnik DMK pryvioŭ statystyku abjomaŭ uviezienych u Biełaruś mižnarodnych paštovych adpraŭleńniaŭ.
«90% žycharoŭ Biełarusi nie atrymlivajuć pasyłki. Bolš za 250 tysiač biełarusaŭ atrymlivali kala 10 pasyłak u hod, a 2,5 tysiačy biełarusaŭ — bolš za 100», — adznačyŭ jon.
Arłoŭski taksama padkreśliŭ, što limit «22 jeŭra — pasyłka, 300 — ŭvoz» anałahičny normie, jakaja prymianiajecca ŭ šerahu dziaržaŭ — členaŭ Jeŭrasajuza. «Heta praktyka ŭ Jeŭrasajuzie. U bolšaści krain ES ustalavali normy ŭ 22 jeŭra dla biaspošlinnaha ŭvozu ŭ tavarach, što pieramiaščajucca pry dapamozie mižnarodnych paštovych adpraŭleńniaŭ. Heta takija krainy jak Hiermanija, Italija, Čechija. Bolš za toje, jość normy bolš žorstkija — u Kitai ŭsiaho 7 jeŭra. U asobnych krainach — Francyi, Šviecyi naohuł niama biaspošlinnaha ŭvozu, lubaja pasyłka maje na ŭvazie vypłatu padatku», — padkreśliŭ jon.
Namieśnik staršyni Dziaržpahrankamiteta taksama ahučyŭ datu, kali ŭkaz prezidenta № 40 ad 11 lutaha 2016 hoda ŭstupić u siłu.
«Heta adbudziecca 14 krasavika hetaha hoda», - raspavioŭ jon. Jon adznačyŭ, što dvuchmiesiačny termin pamiž apublikavańniem ŭkaza i ustupleńniem jaho ŭ siłu zrobleny dla taho, kab biełarusy zmahli biez vypłaty pošlin atrymać zamoŭlenyja tavary.
***
Nahadajem, ukazam № 40 ŭstanoŭlena źnižeńnie normy biaspošlinnaha ŭvozu tavaraŭ dla asabistaha karystańnia, jakija pierasyłajucca ŭ mižnarodnych paštovych adpraŭleńniach i (abo) ekspres-hruzach u adras adnaho atrymalnika, z 200 jeŭra i 31 kh da 22 jeŭra i 10 kh na praciahu kalandarnaha miesiaca. Va ŭkazie taksama vyznačana, što ŭ vypadku ŭvozu tavaraŭ u Biełaruś čaściej za adzin raz u try miesiacy tavary koštam zvyš 300 jeŭra i (abo) vahoj bolš za 20 kh nie buduć adnosicca da tavaraŭ dla asabistaha karystańnia. Pry hetym normy biaspošlinnaha ŭvozu tavaraŭ u 1 500 jeŭra i 50 kh praciahvajuć dziejničać.
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam4
Kamientary