Pradprymalniki admianili mitynh, jaki byŭ zapłanavany na 15 lutaha
Siońnia stała viadoma, što hramadskaje abjadnańnie «Pierśpiektyva» adklikała zajaŭku na praviadzieńnie vuličnaj akcyi 15 lutaha. Pra heta «NN» paviedamiŭ staršynia «Pierśpiektyvy» Anatol Šumčanka.
«Našaj metaj było, kab nas pačuli. My dabilisia pieramovaŭ u Ministerstvie ekanomiki, patreba ŭ mitynhu adpadaje», — skazaŭ Šumčanka. Rabočaja hrupa pry Ministerstvie ekanomiki pačała pracavać 8 lutaha.
Admietna, što siońnia Alaksandr Łukašenka mocna raskrytykavaŭ IPšnikaŭ. «I nie hladzicie na zabastoŭki niejkich ipešnikaŭ ci jašče kahości. My dakładna damovilisia letaś! My nie pacany, kab nas vadzić za nos, tym bolš mianie. My damovilisia — u hetym klučy treba dziejničać», — skazaŭ Łukašenka.
«Treba razumieć, što tyja, chto zavoziać siudy roznaha rodu ryźzio, i navat dobraj jakaści, kali b heta było z Turcyi, Kitaja, Rasii, i inšaje — treba razumieć: usio, što my zavieźli da siabie adtul, my nastolki ž zahubili svaju ekanomiku, lohkuju pramysłovaść. Nie budzie jana raźvivacca. Tym bolš biez dakumientaŭ, bieź siertyfikataŭ. Słuchajcie! Heta ž my ŭzakońvajem bandytyzm, złačyncaŭ! Adnych łovim, sadžajem, a inšym dazvalajem», — ličyć Alaksandr Łukašenka.
Anatol Šumčanka hladzić na hetyja słovy dastatkova spakojna. «Nu skazaŭ. Nu i što? Treba zvyknucca, što havorycca ŭ nas vielmi šmat usiaho».
Indyvidualnyja pradprymalniki patrabujuć ad uładaŭ admieny ŭkaza №222 ab abaviazkovaj siertyfikacyi tavaraŭ. Mnohija IP paśla novaha hoda nie vyjšli na pracu. 15 lutaha na płoščy Banhałor u Minsk pavinien byŭ prajści mitynh kamiersantaŭ.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty13
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary