Paplečniki miarkujuć, što chtości vielmi nie chacieŭ, kab lider Ruchu «Za Svabodu» dabraŭsia da Połacku.
Na dumku paplečnika Milinkieviča Alaksieja Kavalca, chtości vielmi nie chacieŭ, kab lider Ruchu «Za Svabodu» dabraŭsia da Połacka.
Padčas pajezdki lidera Ruchu «Za Svabodu» Alaksandra Milinkieviča z paplečnikami 8 krasavika ŭ Połack, kab padtrymać na sudzie aktyvistku Maładoha Frontu Kaciarynu Sałaŭjovu, pasažyry aŭtamabila adčuli niecharakternaje skryhatańnie.
— My padumali, što niepaładki ŭźnikli niedzie kala levaha zadniaha koła, ale vyrašyli praciahnuć pajezdku, — kaža žonka palityka Ina Kulej.
Alaksandru Milinkieviču ŭdałosia biez pryhod dabracca da Połacka, padtrymać svajoj prysutnaściu na sudzie moładzievuju aktyvistku i viarnucca ŭ Minsk.
Na nastupny dzień Alaksiej Kavalec, jaki ahladaŭ mašynu, byŭ šakavany: levaje piaredniaje koła trymałasia na 2‑ch bałtach, 3 astatnija byli pryadkručany. Na jaho dumku zroblena naŭmysnaja škoda. Chtości vielmi nie chacieŭ, kab Milinkievič dabraŭsia da Połacka.
— Aŭtaamatary viedajuć, nakolki heta niebiaśpiečna. Kali padčas ruchu mašyny advalicca piaredniaje koła, nastupstvy mohuć być niepradkazalnyja i vielmi surjoznyja. Mašyna paprostu moža pierakulicca, — kaža spadar Kavalec.
Ciapier čytajuć
Na «Hrodna Azocie» skončyŭ žyćcio samahubstvam namieśnik načalnika cecha1
Na «Hrodna Azocie» skončyŭ žyćcio samahubstvam namieśnik načalnika cecha
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary