Homielski abłasny sud na vyjaznym pasiadžeńni ŭ Rečycy 3 lutaha abviaściŭ pryhavor u dačynieńni da zakazčyka i vykanaŭcy zabojstva maładoj žančyny ŭ Rečycy.
Jak paviedamiła dziaržaŭny abvinavaŭca, pradstaŭnik prakuratury vobłaści Viktoryja Jaŭsiejenka, abvinavačvany ŭ arhanizacyi zabojstva, muž achviary, pryhavorany da 25 hadoŭ pazbaŭleńnia voli. Da takoha ž termina pryhavorany vykanaŭca zabojstva, tolki z kanfiskacyjaj majomaści. Nahadajem, 21 studzienia dziaržaŭnaje abvinavačvańnie zapytała dla zakazčyka i vykanaŭcy pa 25 hadoŭ pazbaŭleńnia voli (i kanfiskacyju majomaści — dla vykanaŭcy złačynstva).
Žychar Rečycy 1969 hoda naradžeńnia abvinavačvaŭsia ŭ arhanizacyi zabojstva, a žychar Rečyckaha rajona 1965 hoda naradžeńnia niepasredna ździejśniŭ złačynstva.
34-hadovaja maci dvaich dziaciej była zabitaja ŭ dvary svajho pryvatnaha doma 16 krasavika 2015 hoda. Žančyna pamierła ad vostraj krovastraty, joj byli naniesienyja 14 udaraŭ nažom u vobłaść šyi, hrudnoj kletki, unutranych orhanaŭ. U chutkim časie pa padazreńni ŭ ździajśnieńni złačynstva byŭ zatrymany jaje muž, a zatym — vykanaŭca zabojstva.
Zhodna z abvinavačańniem mužčyna pryniaŭ rašeńnie zabić žonku ŭ 2014 hodzie «z metaj dalejšaha materyjalnaha abahačeńnia i z metaj zavałodać domam». (Čytajcie: Žychar Rečycy admaŭlaje arhanizacyju zabojstva žonki za $5 tysiač, vykanaŭca — pryznajecca.)
Zakazčyk byŭ znajomy z vykanaŭcam zabojstva kala 20 hadoŭ. Jany navat mieli svajackuju suviaź: pieršy byŭ žanaty na siastry druhoha. Adnak paźniej jany skasavali šlub, i mužčyna ažaniŭsia druhi raz. U 2014 hodzie jon vyrašyŭ zabić žonku i paprasiŭ byłoha svajaka dapamahčy jamu ažyćciavić zadumanaje za 5 tys. dołaraŭ.
Ranicaj 16 krasavika vykanaŭca čakaŭ niepadalok ad doma ŭmoŭnaha sihnału ad zakazčyka: toj, ź`iazdžajučy na pracu, śviatłom far aŭtamabila daŭ znak. Abvinavačvany pačakaŭ, pakul dačka žančyny pojdzie ŭ škołu, i prakraŭsia ŭ dvor. Pastukaŭ u akno, žančyna vyjšła, jon nazvaŭsia pracaŭnikom hazavaj słužby, a zatym nakinuŭsia z nažom.
Charakterna, što vykanaŭca zabojstva pracuje ŭ rytualnaj kantory i paźniej pryvioz svajakam cieła zabitaj im ža žančyny.
Prysud nie nabyŭ zakonnuju moc i moža być abskardžany abo apratestavany.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary