Z naviednikaŭ nacyjanalnaha parku Tułum ŭ Mieksicy pačali spahaniać płatu za sełfi. Ciapier padarožnikam akramia ŭvachodnaha bileta koštam $3,3, pryjdziecca płacić jašče $2,5 za kožny hadžet z fotakamieraj.
Pradstaŭnik miascovych hidaŭ Chulia Viljahomies Viljałobas paviedamiŭ, što novaja miera tyčycca vykarystańnia mabilnych telefonaŭ, płanšetaŭ, kamier GoPro i fotaaparataŭ, pieradaje Daily Mail. Jon adznačyŭ, što płata za sełfi vyklikała niezadavolenaść siarod turystaŭ, asabliva mieksikanskich.
Nacyjanalny park Tułum raźmieščany niedaloka ad viadomaha kurorta Kankun. Dakałumbavy horad cyvilizacyi majia Tułum na paŭvostravie Jukatan źjaŭlajecca adnym z prybiarežnych haradoŭ majia, jakija najbolš dobra zachavalisia. Jaho roskvit pryjšoŭsia na XIII-XV st.
Štohod u Tułum pryjazdžajuć bolš za 2 młn turystaŭ. U samyja ažyŭlenyja pieryjady pomnik naviedvajuć kala 2 tysiač padarožnikaŭ štodnia.
Amatary rabić sełfi časta ryzykujuć svaim žyćciom dziela łajkaŭ u sacsietkach i cierpiać trahičnyja niaŭdačy. Jak padličyła redakcyja partała Mashable, va ŭsim śviecie ŭ 2015 hodzie kolkaść zahinułych amataraŭ sełfi (12 čałaviek) pieravysiła kolkaść achviar akuł (8 čałaviek).
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary