Andrej Kavaloŭ zaćvierdžany hałoŭnym trenieram CHK «Dynama-Minsk», paviedamlaje sajt kłuba.
Kavaloŭ hulaŭ za «Dynama» z 1984 pa 1989 hod (a taksama častku siezona 1991/92), uziaŭ udzieł u 284 matčach, u jakich zakinuŭ 116 šajbaŭ i addaŭ 76 vynikovych pieradač.
Akramia staličnaha kłuba, Andrej Robiertavič baraniŭ kolery maskoŭskaha «Dynama», «Ńju Chejvien Najtchouks» (ACHŁ), šviejcarskaha «Davosa», niamieckaha «Krefield Pinhvin», minskaha «Junactva» dy inšych kłubaŭ.
Čempijon śvietu siarod moładzi 1986 u składzie zbornaj SSSR.
Značny ŭkład Andrej Kavaloŭ unios u dasiahnieńni zbornaj Biełarusi, zhulaŭšy na dźviuch Alimpijadach i vaśmi čempijanatach śvietu. Usiaho ŭ aktyvie forvarda — 66 matčaŭ za nacyjanalnuju kamandu na aficyjnych turnirach, u jakich jon zakinuŭ 19 šajbaŭ i addaŭ 19 vynikovych pieradačaŭ.
U 2014 hodzie Kavalova zaprasili ŭ «Dynama-Minsk» na pasadu staršaha treniera. Paśla taho, jak kłub u kastryčniku 2015 h. pakinuŭ Lubamir Pokavič, Kavaloŭ uznačaliŭ kamandu ŭ statusie «v.a. hałoŭnaha treniera».
Pad jaho kiraŭnictvam u hetym rehularnym pieršynstvie KCHŁ «zubry» praviali 22 matčy, u jakich nabrali 35 ačkoŭ, atrymaŭšy 12 pieramoh.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary