Miedrabotnica fielčarska-akušerskaha punkta ŭ vioscy Vietkaŭskaha rajona addała 7000 dalaraŭ za virtualnych papuhajaŭ.
Jak raspavioŭ supracoŭnik pres-słužby UUS Homielskaha abłvykankama Ihar Hryškievič, na sajcie Doska.by 25-hadovuju dziaŭčynu zacikaviła abjava, u jakim abiacałasia addać u dobryja ruki papuhajaŭ žako, i jana źviazałasia pa elektronnaj pošcie z «uładalnicaj». Taja adhuknułasia mamientalna, pierapiska viałasia 11 dzion. Žančyna paćvierdziła hatoŭnaść addać ptušak biaspłatna, kali biełaruska apłacić transparciroŭku žako z Kamieruna ŭ Biełaruś.
Žančyny damovilisia, što biełaruska pieraviadzie 500 dalaraŭ za troch papuhajaŭ, i ich joj vyšluć samalotam. Miedrabotnica nie skazała pra ździełku mužu i ŭziała hrošy z ahulnych valutnych zapasaŭ. Paśla «ŭładalnica» vyduryła ŭ žančyny jašče bolš za 6 tysiač dalaraŭ nibyta za arendu kletak, strachoŭku, pryščepki, afarmleńnie dakumientaŭ. U cełym za niekalki dzion miedrabotnik pieraviała ŭ Kamierun 6690 dalaraŭ i zapłaciła kamisiju banku ŭ 337 dalaraŭ. I tolki tady zapadozryła «ŭładalnicu» u machlarstvie i zajaviła pra heta ŭ milicyju.
«Pravaachoŭniki praviali pravierku i vyjavili, što kampjutary, ź jakich viałasia pierapiska, znachodziacca ŭ Kamierunie i ZŠA. Vietkaŭskim RASK pa fakcie machlarstva ŭ bujnym pamiery raspačataja kryminalnaja sprava. Pytańnie ab tym, ci možna budzie viarnuć srodki, pakul zastajecca adkrytym. Nieabchodnyja zapyty zrobleny, a dalej možna budzie sudzić tolki paśla atrymańnia aficyjnych adkazaŭ», — dadaŭ Hryškievič.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj13
Kamientary