Z 1 pa 27 śniežnia kasavy ček u niekatorych kramach stanie łatarejnym biletam
Rekłamnaja hulnia «Kasavy ček jak ščaślivy bilet» projdzie ŭ Biełarusi z 1 pa 27 śniežnia, paviedamiŭ pres-sakratar Ministerstva pa padatkach i zborach Siarhiej Škut.
U Biełarusi tradycyjna napiaredadni Novaha hoda pravodziacca mierapryjemstvy dla farmiravańnia padatkovaj kultury. Takim čynam u pakupnikoŭ chočuć sfarmavać zvyčku patrabavać ček pry nabyćci tavaraŭ, pasłuh i rabot. U hetym hodzie akcyja raspaŭsiudžvajecca z 1 pa 27 śniežnia na čeki pakupak ŭ handlovych centrach TAA «Łahuna» (Brest), «Old City» (Hrodna), «Majak» (Słuck), «Mahnit» (Mahiloŭ), «Ekspabieł» (skryžavańnie Łahojskaha trakta i MKAD), «Zamak» i «Novaja Jeŭropa» (Minsk).
«Pry kupli lubych tavaraŭ u hetych handlovych centrach možna zarehistravacca ŭ jakaści ŭdzielnika hulni z dapamohaj SMS-paviedamleńnia abo praz sajt MPZ. Nieabchodna padać dadzienyja ab udzielniku hulni i kasavym čeku, dla nastupnaha ŭdziełu ŭ štotydniovym rozyhryšy pryzoŭ, a taksama ŭ rozyhryšy finalnaha pryza napiaredadni śviatkavańnia Novaha hoda», — raspavioŭ Siarhiej Škut.
Rehistracyja z dapamohaj SMS i praz sajt MPZ biaspłatnaja. Praviłami praviadzieńnia rekłamnaj hulni praduhledžvajucca istotnyja kaštoŭnyja pryzy ŭ vyhladzie hrašovaha ŭznaharodžańnia. U kožnym handlovym centry budzie razyhryvacca 5 štotydniovych pryzoŭ pa 1 młn 250 tysiač rubloŭ i finalnyja pryzy pa 5 młn rubloŭ.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary