Pres-sakratar prezidenta RF Dźmitryj Piaskoŭ abvierh paviedamleńnie ahienctva Reuters pra dačku Uładzimira Pucina, hruntujučysia na zajavie staršyni praŭleńnia «Hazprambanka» Andreja Akimava, jaki paćvierdziŭ, što nie pieradavaŭ žurnalistam nijakuju infarmacyju i nie vałodaje joju.
Raniej ahienctva Reuters raspaŭsiudziła paviedamleńnie, u jakim sa spasyłkaj na Akimava śćviardžajecca, što kiraŭnik navukovaj arhanizacyi «Innopraktika» Kaciaryna Cichanava źjaŭlajecca dačkoj rasijskaha prezidenta.
«Ja mahu abvierhnuć infarmacyju, jakaja była vykładzienaja ŭ Reuters, voś jaje ja mahu abvierhnuć, pryčym užo z peŭnaj zajavaj Akimava. Tamu što ŭ Reuters było ŭkazana, što Akimaŭ skazaŭ, što niejkaja hramadzianka źjaŭlajecca dačkoj Pucina. Voś heta ja mahu abvierhnuć, hruntujučysia na jaho ž abiavržeńni», — zajaviŭ u aŭtorak Piaskoŭ.
«A što tyčycca dačok. Chto źjaŭlajecca dočkami Pucina, ja vam skazać nie mahu, bo nie maju takoj infarmacyi i nie pavinien mieć, tamu što heta nie ŭvachodzić u maje słužbovyja abaviazki», — padkreśliŭ pres-sakratar kiraŭnika dziaržavy.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary