Прэс-сакратар прэзідэнта РФ Дзмітрый Пяскоў абверг паведамленне агенцтва Reuters пра дачку Уладзіміра Пуціна, грунтуючыся на заяве старшыні праўлення «Газпрамбанка» Андрэя Акімава, які пацвердзіў, што не перадаваў журналістам ніякую інфармацыю і не валодае ёю.
Раней агенцтва Reuters распаўсюдзіла паведамленне, у якім са спасылкай на Акімава сцвярджаецца, што кіраўнік навуковай арганізацыі «Иннопрактика» Кацярына Ціханава з'яўляецца дачкой расійскага прэзідэнта.
«Я магу абвергнуць інфармацыю, якая была выкладзеная ў Reuters, вось яе я магу абвергнуць, прычым ужо з пэўнай заявай Акімава. Таму што ў Reuters было ўказана, што Акімаў сказаў, што нейкая грамадзянка з'яўляецца дачкой Пуціна. Вось гэта я магу абвергнуць, грунтуючыся на яго ж абявржэнні», — заявіў у аўторак Пяскоў.
«А што тычыцца дачок. Хто з'яўляецца дочкамі Пуціна, я вам сказаць не магу, бо не маю такой інфармацыі і не павінен мець, таму што гэта не ўваходзіць у мае службовыя абавязкі», — падкрэсліў прэс-сакратар кіраўніка дзяржавы.
Каментары