Hościa «Listapada» Fani Ardan: Historyja Minska trahičnaja, ale žyćcio tut viruje FOTA
XXII Minski mižnarodny kinafiestyval «Listapad», prymierkavany da 120-hodździa suśvietnaha kiniematohrafa, startavaŭ u Minsku 6 listapada.
Hanarovaj hościaj sioletniaha fiestyvalu stała zorka suśvietnaha ekrana, aktrysa teatra i kino, režysior Fani Ardan. Na ekranie byli pakazanyja kadry filmaŭ ź jaje ŭdziełam. Aktrysa była vielmi kranutaja i ŭschvalavanaja ciopłym pryjomam u Minsku. Kali jana vyjšła na scenu, usia zała apładziravała joj, stojačy.
Fani Ardan ŭpieršyniu ŭ Minsku, ale pryznałasia, što čytała pra Biełaruś. «Ja viedała, što heta histaryčny horad, u čymści jaho historyja trahičnaja, ale žyćcio tut viruje. Ja nikoli nie lubiła padarožžy, ale zaŭsiody lubiła kino i dziakujučy kino mahła padarožničać, sustrakać ludziej, znajomicca ź imi. Vielmi pryjemna być siońnia z vami na adkryćci fiestyvalu «Listapad» i pravieści niekalki dzion u hetym horadzie», — padzialiłasia emocyjami kinazorka. Aktrysa pradstaŭlaje na kinafiestyvali ŭ Minsku svaju druhuju režysiorskuju pracu «Dakučlivyja rytmy».
Fiestyvalny tydzień pradstavić hledačam 184 karciny z 60 krain. Praz tydzień, 13 listapada, u hetym ža zale kinateatra «Maskva» buduć padviedzienyja vyniki konkursaŭ fiestyvalu.
Ciapier čytajuć
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary