Raźviedka ZŠA padazraje, što krušeńnie samalota rasijskaj kampanii «Kahałymavija» A321, jaki raźbiŭsia 31 kastryčnika na Sinajskim paŭvostravie ŭ Jehipcie, chutčej za ŭsio, adbyłosia z-za vybuchu bomby, jakuju na bort pranieśli členy «Isłamskaj dziaržavy» abo źviazanyja z hrupoŭkaj struktury, pieradaje ŭ sieradu, 4 listapada, telekanał CNN.
Telekanał pieradaje, što kančatkovaj zhody ŭ šerahach amierykanskaj raźviedki ab pryčynach avijakatastrofy pakul jašče niama. «Isnuje peŭnaje adčuvańnie, što heta byŭ vybuch bomby, jakaja była albo ŭ bahažy, albo dzieści jašče», - raspaviała telekanału krynica.
Inšy surazmoŭca telekanała raspavioŭ, što raźviedka analizavała ŭnutranyja paviedamleńni siarod členaŭ «Isłamskaj dziaržavy». Jany «adroźnivajucca» ad tych, jakija hrupoŭka raspaŭsiudžvała, uziaŭšy adkaznaść za incydent.
Taksama, pa słovach krynicy, «była dadatkovaja aktyŭnaść na Sinai, jakaja pryciahnuła našu ŭvahu». Heta było jašče da krušeńnia samalota, adznačaje CNN.
Kamientary