Jašče raz pra dyski. Krama. «Usio žyćcio — dziŭny son».
Jašče raz pra dyski. Krama. «Usio žyćcio — dziŭny son».
«Jašče nikoli praces zapisu nia byŭ takim tvorčym i adnačasova składanym» — paznačajuć muzyki na vokładcy. Płytka pisałasia hod, na niekalkich studyjach. Kaliści albomy pisalisia «ź lista», ci zdavalnialisia kancertnikami...
«Stary sabaka zahinuŭ». Pastalełyja muzyki na fota vyhiadajuć maładymi i akrylonymi («Nieba — los arła»). Siaržuk Truchanovič zyčliva ŭśmichajecca — biaz kiepački i z doŭhimi vałasami jamu vielmi pasuje. Heta jon rabiŭ zvyšiakasny masterynh i źviadzieńnie dysku.
«Firmovaść» kamandy padkreślivajecca pieralikam «krutych» marak instrumentaŭ i aparatury, jakoj karystajecca «Krama» na scenie i ŭ studyi.
Badziory pačatak «A ŭ hrudzioch — podych biady. Słuchaj mianie — zastanieśsia žyvy». Što praŭda, toje praŭda. Adrazu čutno, jaki kajf atrymlivajuć sami muzyki ad hrańnia — mo tamu i pratrymalisia stolki... Emihrancka-antynastalhičnaja «Mein Vaterland auf Wiedersehen». Ramantyčna-ŭźniosłaja «Los arła». Natchnionaja Rusia padpiajała na pieśni «Nieba». Liryčny rok-n-roł «Kino» («Na što my stracili svoj čas, nie havaryli, a maŭčali»). Rymiejk staroha bajevika «Stefka. Praz 20 hod» («Chto viedaŭ, Stefka, što ja tak harełku palublu»). «Jedziem, Lola» — jakoje ž žanočaje serca zmoža supraćstajać takomu ŭpeŭnienamu mužčynskamu hołasu... Nastalhičnaja «Buhi ŭnačy» z uspaminami pra Marka Bołana. «Usio žyćcio -- dziŭny son» — paniavoli zajzdrościš tym, dla kaho ŭsio žyćcio – dziŭny rok-n-rolny son. Mo tamu i cierpim my «łajdakoŭ»-rok-n-rolščykaŭ, bo inakš – va što pieratvaryłasia b naša surovaje i šeraje žyćcio biaź ich? Bonus-trekam – «Biažy, biažy, chłopiec» ź Mikałajem Aruciunavym.
Krychu zadumiennaja, krychu filazofskaja praca, u niečym padviadzieńnie vynikaŭ. Tut jość usio toje, za što my lubili “Kramu” i zaŭždy budziem lubić — drajv, saŭnd i sapraŭdny rytm-end-bluz. Źjavilisia ŭpeŭnienaść, spakoj, adčuvańnie ŭłasnaj siły. Adčuvajucca raspraŭlenyja kryły hurtu. Pryjemna, što za «Kramu» ŭziaŭsia homielski GO-RECORDS.
Ja pajdu ŭ vyviedku z tym, chto lubić «Kramu».
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku68
Kamientary