Apieratar velcom zapuściŭ univiersalnuju finansavuju prahramu v-banking
Mabilny apieratar velcom 15 kastryčnika zapuściŭ univiersalnuju finansavuju prahramu v-banking, jakaja dazvalaje abjadnać u adzin akaŭnt apieracyi z usimi svaimi bankaŭskimi kartami i kiravać imi z ułasnaha smartfona.
Jak paviedamili ŭ kampanii velcom, ciapier biaspłatnaja prahrama v-banking dastupnaja dla Android-karystalnikaŭ, a skarystacca joj mohuć trymalniki kart mižnarodnych płaciežnych sistem VISA i Master Card usich bankaŭ Biełarusi.
Mabilnaja prahrama dastupnaja dla abanientaŭ roznych mabilnych apierataraŭ. Pry jaje dapamozie jany zmohuć ažyćciaŭlać pieravody hrošaj z karty na kartu karystalnika v-banking, vykarystoŭvajučy numary telefona z zapisnoj knižki; na bankaŭskija kartki niezaležna ad taho, jaki bank ich vypuściŭ i z karty jakoha banka ažyćciaŭlajecca pieravod.
Akramia hetaha, jość mahčymaść apłačvać roznyja pasłuhi/tavary ŭ sistemie JERIP; vykonvać apieracyi pa luboj z kart, uklučanaj u akaŭnt, u tym miescy i ŭ toj čas, kali heta zručna.
Kamientary