Paŭnočnaja Kareja na maštabnym vajskovym paradzie ŭ Pchieńjanie z nahody 70-hodździa zasnavańnia Pracoŭnaj partyi Karei pakazała mižkantynientalnyja balistyčnyja rakiety dalokaha radyusu dziejańnia KN-08, pieradaje «Interfaks» sa spasyłkaj na paŭdniovakarejskaje ahienctva Yonhap. Kiraŭnik KNDR Kim Čen Yn zajaviŭ, što kraina hatova supraćstajać amierykanskaj ahresii.
Mima hanarovaj trybuny na centralnaj płoščy Kim Ir Sena paradnymi raźlikami prajšli padraździaleńni ŭsich vidaŭ uzbrojenych sił KNDR. Hledačam prademanstravali roznyja vidy vajskovaj techniki — tanki, samachodnyja artyleryjskija ŭstanoŭki, bajavyja mašyny piachoty. Byli pakazany vyrablenyja ŭ KNDR bieśpiłotnyja latalnyja aparaty, rakietnyja sistemy roznych typaŭ.
Vystupajučy na paradzie, lidar KNDR Kim Čen Yn adznačyŭ, što jaho kraina hatovaja supraćstajać luboj vajnie, raźviazanaj ZŠA. «Karejskaja narodnaja armija stała samaj mocnaj revalucyjnaj siłaj, a naša kraina pieratvaryłasia ŭ nieprystupnuju krepaść i suśvietnuju vajennuju dziaržavu», — padkreśliŭ Kim Čen Yn.
Parad supravadžaŭsia pavietranym šou: hrupa samalotaŭ vypisała ŭ niebie nad Pchieńjanam ličbu «70» i emblemu PPK — sierp, mołat i pendzal mastaka, jakija simvalizujuć adzinstva rabočych, sialan i intelihiencyi.
Vykarystańnie rakiet z balistyčnaj technałohijaj zabaroniena KNDR adpaviednymi rezalucyjami Rady biaśpieki AAN, adnak Pchieńjan, niahledziačy na ŭviedzienyja suprać jaho sankcyi za parušeńnie rezalucyj, praciahvaje raźvivać rakietnuju prahramu.
Ciapier čytajuć
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach16
Kamientary