Haražny majstar z Bresta atrymaŭ uznaharodu ad kampanii Google

Srebranuju knopku ŭručajuć tolki papularnym videabłohieram, u jakich nie mienš za sto tysiač padpisčykaŭ u internecie. Amatarskija roliki dziadźki Aleža ŭbačyli miljony ludziej pa ŭsim śviecie.

Pra svaju radaść jon pierš za ŭsio raspaviadaje ŭ internecie. Miljonam ludziej hety mužčyna viadomy jak videabłohier dziadźka Aleža. Jašče try hady tamu jon byŭ zvyčajnym kuzaŭščykom i navat nie viedaŭ, što takoje pošukavik. A siońnia ŭžo naźbiraŭ bolš za sto tysiač padpisčykaŭ u sietcy.

Aleh Nieścieraŭ, videabłohier: «Tut kanał napisany, što ŭ nas sto tysiač padpisčykaŭ. I, ja tak zrazumieŭ, vinšavańnie, ale jano na anhlijskaj movie. I ja ničoha nie zrazumieŭ. Ale, dumaju, što drennaha jany ničoha nie napisali! Voś, ad Google takaja štučka».

Papularnyja roliki majstar-samavuk zdymaje na amatarskuju kamieru ŭ haražy na ŭskrainie Bresta. Jaho videaŭroki ab tym, jak hruntavać, farbavać i paliravać mašyny, siońnia hladziać na niekalkich kantynientach.

Ale heta nie pieršaja srebnaja knopka, jakaja syšła ŭ Biełaruś. Papularnaści homielskaha padletka Dzimy Jermuzieviča mahli b pazajzdrościć mnohija top-błohiery. Videaklipy školnika pahladzieli amal dziesiać miljonaŭ čałaviek. U svaich rolikach jon raspaviadaje pra ježu, filmy i daje daścipnyja parady, jak zrabić ŭroki.

Kab stać papularnym — prosta vykłaści videa ŭ internet siońnia niedastatkova. Navat u prostaha ślesara pavinna być charyzma. Jak ličać siabry Aleha, sakret jaho papularnaści — u pačućci humaru.

Siarhiej Kiślakoŭ, pamočnik Aleha Nieścierava: «Jość i jašče kanały — mienš paśpiachovyja. Jany našmat raniej źjavilisia, čym Aleh staŭ zdymać. Ale čamuści damahčysia pośpiechu ŭ hetaj spravie ŭdałosia mienavita jamu. Pryčym adryŭ — kapitalny».

Siońnia videakanał u internecie prynosić Alehu asnoŭny dachod. Praŭda, pa słovach samoha błohiera, praca nie ź lohkich: joj davodzicca zajmacca šeść dzion u tydzień pa 10—14 hadzin.

Aleh Nieścieraŭ, videabłohier: «Na vulicy stali bolš paznavać. Kudy b ni pajechaŭ: Rasija, Kazań, Maskva ci Minsk — u kožnym horadzie paznajuć, heta vielmi pryjemna».

Ciapier Aleh vyrašyŭ kinuć vyklik sam sabie i źniać ceły sieryjał. Pra toje, jak pieratvaryć staruju łamačynu ŭ sapraŭdny spartkar. I spadziajecca, što hety prajekt pryniasie jamu jašče bolš prychilnikaŭ i załatuju knopku Youtube.

• 0
• 0
• 0
• 0
• 0
• 0
• 0
• 0