Statkievič ahučyŭ piać vyklučna rezkich pytańniaŭ Łukašenku

Eks-kandydat u prezidenty Mikoła Statkievič 23 vieraśnia arhanizuje na płoščy Svabody ŭ Minsku sustreču vybarcaŭ. Jon nakiravaŭ Alaksandru Łukašenku zaprašeńnie ŭziać udzieł u joj u vyhladzie piaci rezka sfarmulavanych pytańniaŭ. Jon źmiaściŭ ich na svajoj staroncy ŭ fejsbuku.

U pytańni 1 jon abvinavačvaje Alaksandra Łukašenku ŭ niezakonnym utrymańni ŭłady.

Pytańnie 2 datyčyć vykradańnia i zabojstva ŭ 1999 šerahu dziaržaŭnych dziejačoŭ i biznesoŭcaŭ, u tym liku byłoha ministra ŭnutranych spraŭ Juryja Zacharanki i staršyni Centrvybarkama Viktara Hančara.

Statkievič śćviardžaje, što hetyja złačynstvy ažyćciavili vajskoŭcy bryhady śpiecnaza MUS. Zhodna ź infarmacyjaj Statkieviča, jany byli ŭpeŭnienyja, što vykonvajuć zakonnaje sudovaje rašeńnie, bo im byŭ pradjaŭleny «prysud viarchoŭnaha sakretnaha trybunała», zmacavany piačatkaju prezidienta.

Jak viadoma, u źniavoleńni Statkievič pierasiakaŭsia ŭ adnych kamierach ź niekatorymi byłymi śpiecnazaŭcami, asudžanymi za inšyja złačynstvy.

Pytańnie 3 datyčyć ekanomiki. «Adno tolki ŭviadzieńnie suśvietnych cen na rasijskija haz i naftu zdolnaje abrynuć arhanizavanuju vami ekanomiku za miesiac», — piša Statkievič.

Jon pytajecca adnosna losu niezaležnaści krainy va ŭmovach, kali pad joj taki chistki ekanamičny fundamient.

U pytańni 4 pieraličvajucca pretenzii da sacyjalnaj palityki ŭładaŭ. Statkievič krytykuje biaspraŭje ludziej, a taksama rost spažyvańnia ałkaholu. «Vy razumiejecie, što vy z vašaj chvaravitaj prahaj ułady — vialikaje niaščaście dla našaha naroda?» — z sałdackaj prostaściu pytajecca Statkievič.

Pytańnie 5 kranaje pytańni nacyjanalnaha honaru biełarusaŭ.

«Za 20 hadoŭ svajoj ułady vy zrabili ŭsio, kab naša nacyja straciła svaju staradaŭniuju i cudoŭnuju movu, kab biełarusy pieratvarylisia ŭ «ruskich sa znakam jakaści», jak vy lubicie kazać. Vy navat zabaranili naš 700-hadovy hierb i ściah jaho koleraŭ», — kaža Statkievič.

Jon stavić pytańnie da niekarektnaści rezka: «Vy tak nienavidzicie ŭsio biełaruskaje i nas, biełarusaŭ, bo vy — nie biełarus? Vy rusifikavali biełarusaŭ, kab jany mienš supraciŭlalisia zdačy niezaležnaści našaj krainy Rasii?»

«Prapanuju vam adkazać na maje pytańni. Adsutnaść adkazaŭ ci represii suprać vybarščykaŭ, jakija źbiarucca 23 vieraśnia a 18.00 na płoščy Svabody, kab vysłuchać ich, budzie raŭnaznačnym vašym stanoŭčym adkazam na kožnaje z maich pytańniaŭ», — kaža Statkievič.

Nichto z kandydataŭ u prezidenty nie vystupaje z takoj rezkaj krytykaj Alaksandra Łukašenki, jak toje robić padpałkoŭnik Statkievič. Hramadstva advykła ad takoj stupieni krytyki najvyšejšaha čynoŭnika dziaržavy.

Statkievič pravioŭ u źniavoleńni z 2010 pa 2015 hady paśla taho jak razam ź inšymi kandydatami ŭ prezidenty ŭznačaliŭ manifiestacyju žycharoŭ Minska z patrabavańniem źmieny palityčnaj sistemy ŭ krainie. Demanstracyja prajšła ŭ dzień prezidenckich vybaraŭ 2010 hoda i stała najbolšym vuličnym pratestam u krainie za apošnija 15 hadoŭ.

• 0
• 0
• 0
• 0
• 0
• 0
• 0
• 0