Piensijny ŭzrost u Rasii mohuć pavysić ŭžo ŭ 2016 hodzie
Premjer RF Dźmitryj Miadźviedzieŭ 17 vieraśnia praviadzie ź ministrami naradu pa biudžecie.
Urad užo admoviŭsia ad trochhadovaha płanavańnia i rychtuje biudžet tolki na 2016 h., adnak Minfin praličvaje mahčymaści biudžetu na try hady. Zadača — zachavać da kanca 2018 hoda nie mienš za 2 trłn rub. reziervaŭ sumarna ŭ reziervovym fondzie i fondzie nacyjanalnaha dabrabytu (FND), zajaviŭ učora ministr finansaŭ Anton Siłuanaŭ: «Niahledziačy na ŭsie składanaści».
«Ideja — vykarystoŭvać reziervovy fond, kab pryvieści vydatki ŭ adpaviednaść z realnymi mahčymaściami dziaržavy pry kansiervatyŭnym uzroŭni cany nafty i pierajści da nulavoha vykarystańnia reziervaŭ», — udakładniŭ namieśnik ministra finansaŭ RF Maksim Areškin.
U jakaści mier ekanomii Minfin prapanuje pavyšeńnie piensijnaha ŭzrostu ŭžo z 2016 hoda. Ekanomija ad hetaha — ad 620 młrd da 1,3 trłn rubloŭ za try hady ŭ zaležnaści ad skoraści pavyšeńnia: pa 6 miesiacaŭ abo pa 1 hodzie za hod, da 65 hadoŭ dla mužčyn i žančyn.
«Prapanova Minfina ab pavyšeńni piensijnaha ŭzrostu z 2016 h. — heta nie prosta pažadańnie Minfina, jano surjozna abmiarkoŭvałasia na naradach, było padtrymana mnohimi čynoŭnikami», — kaža vysokapastaŭleny fiederalny čynoŭnik. Inšyja prapanovy — indeksacyja piensij tolki na 4% u 2016—2018 hh. (da hetaha Minfin nastojvaŭ na 4,5%), admova ad vypłat piensij pracujučym piensijanieram z hadavym prybytkam ad 500 tys. rub. (pakul razhladajecca varyjant ad 1 młn rub.), skaračeńnie indeksacyi zarobkaŭ biudžetnikaŭ i vajskoŭcaŭ (u 2016 hodzie — da nula).
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia3
Kamientary