Na barysaŭskim zavodzie «Aŭtahidraŭzmacnialnik» rychtujucca da masavaha skaračeńnia rabočych
Administracyja AAT «Barysaŭski zavod «Aŭtahidraŭzmacnialnik» rychtuje masavaje skaračeńnie 700 pracoŭnych, paviedamlajuć krynicy vydańnia «Biełaruskaja praŭda».
Adnak maštab skaračeńniaŭ čakajecca značna bolšy, bo pradpryjemstva maje namier zvolnić usich piensijanieraŭ i nie padoŭžyć kantrakt rabočym, u jakich jaho termin skančajecca ŭ 2015 hodzie.
Ciapier na pradpryjemstvie pracujuć 2,5—3 tysiačy čałaviek, ź jakich paśla masavych zvalnieńniaŭ zastanucca tolki tysiača-paŭtary.
«Aŭtahidraŭzmacnialnik» užo daŭno pierajšoŭ na trochdzionku, pradpryjemstva maje vielizarnuju zapazyčanaść pa zarpłacie.
Kamientujučy pa prośbie «Biełaruskaj praŭdy» situacyju, staršynia Svabodnaha prafsajuza mietalistaŭ Alaksandr Buchvostaŭ vykazaŭ zdahadku, što pryčynaj ciažkaha stanovišča pradpryjemstva stała admova Rasiei ad jaho pasłuh:
«Pradpryjemstva vyrablaje aŭtaahrehaty, pastaŭlaje hidravuzły, hidrasistemy dla aŭtamabilaŭ, u tym liku i dla rasijskich. Mahčyma, sychodziać rasijskija zakazy, tamu što ŭ Rasii pačynajuć pracavać ŭłasnyja pradpryjemstvy. Tamu biełaruskija pradpryjemstvy, jakija pracavali na Rasiju, pačynajuć kałapsavać».
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary