Ukraina ŭviała maštabnyja sankcyi suprać Rasii

Prezident Ukrainy Piatro Parašenka padpisaŭ ukaz ab uviadzieńni novaha typu sankcyj u dačynieńni da Rasii i inšych krain, «jakija majuć dačynieńnie da anieksii Kryma i ahresii ŭ Danbasie».

U adroźnieńnie ad raniejšych rašeńniaŭ ukrainskich uładaŭ, jakija abmiažoŭvajuć ujezd u krainu asobnych zamiežnych, pieravažna rasijskich, hramadzian, u novym «čornym śpisie» — amal 400 fizičnych i bolš za 100 jurydyčnych asobaŭ.

«Heta rašeńnie […] pryniata ŭ dakładnaj kaardynacyi z našymi partniorami ź Jeŭrapiejskaha sajuza, Złučanych Štataŭ Amieryki i inšych krain, jakija zabiaśpiečvajuć naležnuju reakcyju na aneksiju Kryma i ahresiju na Danbasie», - skazaŭ Parašenka na sustrečy ŭ Kijevie z členami kamiteta palityki i biaśpieki ES.

Palityki i čynoŭniki

Usiaho ŭ pieraliku fizičnych asob, jakija trapili pad dziejańnie ŭkrainskich sankcyj, — 388 čałaviek.

Heta hramadzianie Rasii, Ukrainy, pradstaŭniki samaabvieščanych respublik u Danbasie, a taksama hramadzianie šerahu jeŭrapiejskich krain i Izraila.

Sankcyi, jakija ŭvodziacca suprać ich, praduhledžvajuć błakavańnie aktyvaŭ, časovyja abmiežavańni karystańnia majomaściu, praduchileńnie vyvazu kapitałaŭ za miežy Ukrainy, a taksama vizavyja abmiežavańni.

Siarod rasijskich aficyjnych asob, zhadanych u śpisie, - ministr abarony Siarhiej Šajhu, načalnik Hienštaba hienierał Valeryj Hierasimaŭ, kamandujučy PDV Uładzimir Šamanaŭ, staršynia Dumy Siarhiej Naryškin, staršynia Kanstytucyjnaha suda Valeryj Zorkin. Taksama pad sankcyi trapili kiraŭnik Čačenii Ramzan Kadyraŭ, dziciačy ambudsmen Pavieł Astachaŭ i šerah deputataŭ Dziaržaŭnaj Dumy.

Akramia taho, u pieralik uvajšli akademik RAN Siarhiej Hłaźjeŭ, śpiavak Iosif Kabzon, akademik Viktar Pivavaraŭ, aktrysa Valancina Cialičkina.

Kampanij u sankcyjnym śpisie Kijeva 105

Siarod ich — «Transaero» i «Aerafłot», a taksama šerah inšych avijapieravozčykaŭ, naprykład, «Poŭnačstal» — daččynaje pradpryjemstva kampanii Alaksieja Mardašova i «Donavia».

Siarod kredytnych arhanizacyj u śpisie — «Bank Maskvy», bank «Rasija» Juryja Kavalčuka, kazanski bank «AK BARS», SMP Bank, padkantrolny Arkadziu i Barysu Rotenbierham i inšyja.

U śpis taksama patrapili telekampanii NTV, «Pieršy kanał», telekanały RTR-Płanieta i Rasija-24, jakija ŭvachodziać u VDTRK. Zamykaje pieralik «Łabaratoryja Kaśpierskaha».

• 0
• 0
• 0
• 0
• 0
• 0
• 0
• 0