Pytańnie ab dałučeńni Danbasa da Rasii treba vyrašać nie «na vulicy», bo heta tyčycca losaŭ mnohich ludziej. Pra heta zajaviŭ žurnalistam rasijski prezident Uładzimir Pucin u Sievastopali 12 vieraśnia.
«My dušoj i sercam z Danbasam, ale, na žal, takija pytańni na vulicy nie vyrašajucca», — zajaviŭ rasijski kiraŭnik, kamientujučy słovy adnaho z kurortnikaŭ u Jałcie. Mužčyna źviarnuŭsia da Pucina z zaklikam uklučyć Danbas u skład Rasii. Heta adbyłosia padčas prahułki Pucina z byłym premjeram Italii Silvia Bierłuskoni pa haradskoj nabiarežnaj 11 vieraśnia.
Padčas razmovy z žurnalistami prezident Rasii zakranuŭ taksama temu realizacyi minskich damoŭlenaściaŭ. Pa jaho słovach, «nijakaj inšaj alternatyvy supakajeńniu i prymireńniu» va Ukrainie niama. Pry hetym Pucin dapuskaje mahčymaść pieranosu terminaŭ vykanańnia minskich damoŭlenaściaŭ, choć i padkreśliŭ, što lepiej imknucca da realizacyi ŭžo isnujučych damovaŭ.
U 2014 hodzie Rasija zachapiła Krym i sprabavała akupavać Danbas. Adnak supraciŭ ukrainskaj armii i dobraachvotnikaŭ i ekanamičnyja sankcyi Zachadu zmusili Pucina pajści na zaklučeńnie Minskich damoŭlenaściej.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach19
Kamientary