Biełaruś znoŭ błakuje pastaŭki ŭkrainskaj charčovaj pradukcyi — uviedziena abaviazkovaja dziaržaŭnaja sanitarna-hihijeničnaja ekspertyza.
Biełaruś z 27 žniŭnia ŭviała abaviazkovuju dziaržaŭnuju sanitarna-hihijeničnuju ekspertyzu ŭkrainskaj pradukcyi, što paralizavała jaje ekspart, havorycca ŭ pres-relizie karparacyi «Abałoń».
«Hetaja pastanova faktyčna paralizavała ekspart ajčynnych tavaraŭ u Biełaruś i paciahnuła značnyja straty dla ŭkrainskich kampanij», — adznačaje pres-słužba.
Pavodle źviestak kampanii, nieviadomaj zastajecca pracedura atrymańnia siertyfikatu, pakolki nie vyznačanyja łabaratoryi, jakija pavinny jaho vydavać, adsutničajuć taksama źviestki pavodle pakazčykaŭ biaśpieki praduktaŭ, piša «Interfaks-Ukraina».
«Hety mietad nietaryfnaha rehulavańnia ŭžo vyklikaŭ finansavyja i materyjalnyja straty ŭkrainskich vytvorcaŭ u vyniku prypynku ekspartu», — kamientujuć u kampanii.
Sa słoŭ dyrektarki zamiežnaekanamičnych pytańniaŭ «Abałoń» Ały Kałamijec, ryzyki, źviazanyja ź dziejańniami rehulatara na biełaruskim rynku, uźnikajuć nie ŭpieršyniu. Pačynajučy z 2010 hoda heta ŭžo treciaja sproba abmiežavać impart ukrainskaha piva ŭ Biełaruś administracyjnymi mietadami. U papiarednich vypadkach biznes pryciahvaŭ da raźviazańnia pytańnia profilnyja ministerstvy.
Karparacyja źviarnulisia ŭ Minekanamraźvićcia, Minahraprad i MZS z prośbaj nieadkładna dałučycca da raźviazańnia prablemy.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary