Brytanskija navukoŭcy vyjavili prykmiety taho, što chvaroba Alchiejmiera moža pieradavacca pamiž ludźmi, pieradaje The Financial Times.
Da adpaviednych vysnoŭ pryjšła hrupa navukoŭcaŭ univiersiteckaha kaledža Łondana na čale z Džonam Kolindžam. Pavodle ich zdahadki, nabyty harmon, jaki vyklikaje raźvićcio chvaroby, moža pieradavacca pry niekatorych miedycynskich apieracyjach, u tym liku chirurhičnych.
«Ja nie dumaju, što jość pryčyny dla pieražyvańniaŭ», — zajaviŭ tym nie mienš prafiesar Kolindž, padkreśliŭšy, što na dadzienaj stadyi daśledavańniaŭ rabić vysnovy zarana.
Vučony zajaviŭ, što ŭ navukoŭcaŭ niama paćvierdžańnia taho, što chvaroba Alchiejmiera moža pieradavacca praz stamatałahičnyja pracedury, a taksama praz sumiesnaje pražyvańnie abo dohlad za chvorym.
Chvarobu Alchiejmiera nazyvajuć jašče sienilnaj demiencyjaj. Heta davoli častaja chvaroba starych ludziej. Jana charaktaryzujecca strataj pamiaci. Lekaŭ ad jaje pakul niama.
-
Pryščepka ad COVID-19 dapamahaje ŭ baraćbie z rakam — daśledavańnie
-
Stan čatyroch čałaviek, jakija paciarpieli ŭčora padčas nadzvyčajnaha zdareńnia na «Biełaruśkalii», stabilna ciažki
-
Heta pryščepka moža vyratavać žančyn ad adnaho ź vidaŭ raku. Usio, što treba viedać pra vakcynacyju ad virusa papiłomy čałavieka
Kamientary