Брытанскія навукоўцы выявілі прыкметы таго, што хвароба Альцгеймера можа перадавацца паміж людзьмі, перадае The Financial Times.
Да адпаведных высноў прыйшла група навукоўцаў універсітэцкага каледжа Лондана на чале з Джонам Колінджам. Паводле іх здагадкі, набыты гармон, які выклікае развіццё хваробы, можа перадавацца пры некаторых медыцынскіх аперацыях, у тым ліку хірургічных.
«Я не думаю, што ёсць прычыны для перажыванняў», — заявіў тым не менш прафесар Коліндж, падкрэсліўшы, што на дадзенай стадыі даследаванняў рабіць высновы зарана.
Вучоны заявіў, што ў навукоўцаў няма пацверджання таго, што хвароба Альцгеймера можа перадавацца праз стаматалагічныя працэдуры, а таксама праз сумеснае пражыванне або догляд за хворым.
Хваробу Альцгеймера называюць яшчэ сенільнай дэменцыяй. Гэта даволі частая хвароба старых людзей. Яна характарызуецца стратай памяці. Лекаў ад яе пакуль няма.
Павел Вінаградаў упершыню расказвае, як яго закінулі на самае дно беларускай турмы. Як гэта — калі суседзі за цыгарэту ядуць чужое гаўно18
Каментары