У аўстралійскім Брысбене каала на мянушку Перы апынулася ў гарадскім аўтобусе пасля таго, як перабягала ажыўленую дарогу, ухіляючыся ад аўтамабіляў. Гэта першы такі выпадак для мясцовых ратавальнікаў, піша выданне ABC.Net.
13 снежня малады звер, каб пазбегнуць небяспекі, залез на металічны слуп на астраўку бяспекі. Кіроўца аўтобуса, пабачыўшы рызыку для жывёліны, накрыў каалу курткай і перанёс яе ў салон, дзе Перы села на поручні і спакойна чакала дапамогі.
Ратавальнікі былі выкліканыя на месца і пасля першаснага агляду адправілі каалу ў арганізацыю аховы жывёл. На наступны дзень спецыялісты пацвердзілі, што жывёліна здаровая.
Кіраўніца ратавальнай службы Koala Rescue Brisbane South Брыан Баркла выказала кіроўцу аўтобуса падзяку за клапатлівае стаўленне да жывёліны. Перы — маладая асобіна, старэйшая за год, ужо дастаткова самастойная.
14 снежня Перы выпусцілі на волю ў зялёнай зоне Сэвен-Гілз, недалёка ад месца, дзе яе знайшлі. Мэр Брысбена Адрыян Шрынер адзначыў выдатны ўчынак кіроўцы і заклікаў жыхароў у выпадку небяспекі для жывёл звяртацца да ратавальнікаў, адзначыўшы, што такі выпадак толькі пацвярджае «адметны аўстралійскі характар» горада.
Ратавальнікі папярэдзілі, што каалы могуць быць агрэсіўнымі праз свае кіпцюры і параілі не браць іх у рукі, а пакінуць гэты занятак выратавальнікам.
У Аўстраліі знялі, як самец каалы плача над памерлай сяброўкай ВІДЭА
Каалы ў Аўстраліі аказаліся на мяжы знікнення. Вінаватыя пажары і высяканне лясоў
У аўстралійскім заапарку нарадзілася рэдкая белая каала ФОТАФАКТ
Хітры злодзей спусташаў гадавальнік у Аўстраліі і ўдала хаваўся. Але аднойчы заснуў на месцы злачынства
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве16
Каментары